USA
Nunatta Washington D.C-mi Sinniisoqarfia Aleqamit ammarneqassaaq
Kalaallit Nunaata Washington D.C-mi Sinniisoqarfia septembarip 24-ani pisortatigoortumik ammarneqassaaq
- Kalaallit Nunaat saqqumilaarnissaa pingaaruteqarpoq, aamma suleqataarusuppugut, Naalakkersuisut siulittaasuat Aleqa Hammond Nunatta Washington D.C-mi Sinniisoqarfiata ammarneqarnissaa pillugu tusagassiutinut nalunaarummi oqarpoq.
Washington D.C-mi allaffeqarfik pisortatigoortumik septembarip 24-ani ammaassaaq.
- Kalaallit Nunaat avannarpasissorujussuartut nunanit allanit isigineqartarpoq. Taamaattumik saqqumilaarnissarput pisariaqarpoq, suleqataarusunnerput soqutiginninnerpullu ersersinneqassaaq, Aleqa Hammond oqarpoq.
- Suleqataarusussusermik takutitsissaagut. Washingtonimi ammaanissamik piffissaq eqqortuuvoq aamma aningaasatigut. Bruxellesimi ukiuni 24-ani kingullerni Sinniisoqarfeqartareerpugut. Taanna iluaqutaalluinnarpoq. Alloriaqqinnissaq maannakkut piffissanngorpoq, Naalakkersuisut siulittaasuat oqarpoq.
Washington D.C-mi sinniisoqarfeqarnikkut kulturikkut inuussutissasiornikkullu sulisunut pitsanngorsaataassasoq oqaatigaa.