Qaanaaq
Nunatta taarnerani silaannaap kissatsikkiartorneranik misissuineq
Qaanaami silaannaap allanngoriartornerata sunniutaa DMI-mi ilisimatuunit marlunnit piniartunik suleqateqarlutik misissuipput
Qaanaami suli seqineqanngilaq. Illoqarfimmi seqineq kingullermik qinngorpoq novembarimi, aatsaalluseqineqaqqilissalluni februaarip 17-ani.
DMI-mi ilisimatuut Steffen Olsen aamma Rasmus Tonboe illoqarfimmiipput.
Qaammatip qinngornera atorlugu misissuinernut atorneqartartunut sikumut inissitsiteripput.
Piniartut ilisimatuullu suleqatigiittut
- Sila issikkaluaqaaq taamaakkaluartorli silaannaap kissatsikkiartornera malugineqarsinnaavoq. Golfstrømmip ilaa maanga apuuttarpoq, taamaattumik sikorsuit ataaniittut aattarnerat sukkanerulerpoq. Nunarsuatta imartaanut sunniuteqarpoq, tamanna aamma maani piniartuusunut sunniuteqarpoq, Rasmus Tonboe oqaluttuarpoq.
Piniartut Rasmus aamma Paulus suleqatigineqarput. Taakku pinngortitaq ilisimarilluarpaat.
Atortorissaarutit sikumut ikkunneqartut immap silaannaallu kissassusaannut misissuinerup takutissavaa. Aasannginnerani atortorissaarutit aaneqassapput, kisianni sulineq ingerlaqqikkumaarpoq.
DMI europamiunik IceArcimik suleqateqarneranni Issittumi silaannaap kissatsikkiartornera pillugu misissuisoqarpoq. IceArc tulunnit ingerlanneqartoq Europakommissionenimit tapersersorneqarpoq.
Allaaserineqartoq DMI suleqatigalugu saqqummiunneqarpoq. Allaaserineqartoq dmi.dk-mi saqqummiunneqarportaaq Niels Hansenimit allanneqarluni. Allaaserisaq dmi.gl-imut ilineqarpoq februaarip sisamaani