mittarfik

'Nunatta pisariaqartippaa Ilulissani mittarfiup tallineqarnissaa'

Ilulissani mittarfiup tallineqarnera inuiaqatigiinnit annertuumik iluaqutigineqassaaq, Avannaata Kommuniani Ikaarsaariarnermut ataatsimiititaliami siulittaasoq, Palle Jerimiassen oqarpoq.

Avannaata Kommuniani borgmesterissap, Palle Jerimiassenip (S) Ilulissani mittarfiup tallineqarnissaa piumasaraa.

Avannaata Kommuniani borgmesterissap, Palle Jerimiassenip (S) Ilulissani mittarfiup tallineqarnissaa piumasaraa.

- Aningaasarsiornikkut siuariartornissaq pissappat Ilulissani mittarfiup tallineqarnissaa saneqqunneqarsinnaanngilaq, taanna tusagassiuutinut nalunaarummi allappoq.

Takorniaqartitsinermut iluaqusiissasoq

Tallineqarneralu takoriaqarnermut iluaqutaangaatsiassasoq, taanna tikkuaavoq.

- Takornariaqarnikkut annertusaaneq pitsaasumik siunnerfilimmillu annertusarneqassappat nunatsinullu tamarmut aningaasarsiornikkut iluaqutaallualissappat Ilulissani mittarfik tallineqartariaqarpoq. Aamma tamanna kivissinnaallutigu nalunngilarput, ukiunimi arlaqalersuni takutittareerparput takornariaqarneq annertuumik siuariartortissinnaallutigu aammalu suli siuariartornermik ingerlatsinerput kisitsitigut takuneqarsinnaavoq, taanna erseqqissaavoq.

Aalisakkanik niuerneq

Mittarfik tallineqareersimalerpat aalisakkanik avammut niuerniarneranut iluaqutaasinnaasoq, ilanngullugu tikkuarpaa.

- Nunatsinniit aalisakkat ullormiit pisarineqarfianniit nunanut allanut ingerlateqqinneqarsinnaanerat nunatta aningaasarsiornikkut annertuumik iluaqutigilersinnaavaa. Assartuinerit timmisartuaqqat atornagit, assartuisinnaanermik killilerujuit atornagit, akunniffiillu atornagit toqqaannartumik ingerlanneqartalissappata mittarfik Ilulissani tallineqartariaqarpoq.

- Ilulissani mittarfik tallineqarpat nunatta iluaqutigisussaavaa taamaattumik Ilulissani mittarfiup tallineqarnissaanut pilersaarutit ingerlatiinnarneqartariaqarput, Palle Jerimiassen oqarpoq.

Powered by Labrador CMS