tapersiineq

Nunatsinni Nakorsaaneqarfimmut ataasiinnaq qinnuteqartoq

Nunatta nakorsaaneratut atorfimmut inuttassarsiorneqartumut qinnuteqarnissaq maajip naanerani qinnuteqarfissaq killeqarnikuuvoq. Ataaseq qinnuteqarpoq, peqqissutsimut naalakkersuisoqarfik ilisimatitsivoq.

Landslæge Henrik Trykker mener, at stemningen omkring det grønlandske sundhedsvæsen er unødvendig hård.
Henrik Trykker nunap nakorsaaneratut septembarip aallaqqaataata tungaanut taartaavoq, tamannalu Danmarkiminngaanniit suliaraa.

Nunap nakorsaanerisimasaa, Henrik Trykker, nammineq inuttut pissuteqarluni atorfimminit tunuarluni Danmarkiliartariaqarsimavoq.

Danmarkimit taartaagallartoq
Taanna maajip qaammataani aallarpoq, kisianni nunap nakorsaaneratut septembarip aallaqqaataata tungaanut taartaaniarluni atorfimmut tapertaaniarluni akuersaarsimavoq, Danmarkimit sulisinnaanera piumasaqaataalluni, tamannalu naalakkersuisup Agathe Fontainip akuerisimavaat.

Qinnuteqartutuaasoq piumasaqaatinik naammassinnissimarpasippoq, atorfimmullu tulluartuulluni. Tassami atorfik inuttarsarsiuunneqaqqinnissaanut allagartasseeqqinnissamut aalajangiisoqarsimanngilaq. Illuanik peqqissutsimut naalakkersuisoqarfik naatsukullammik Sermitsiaq.AG-mut allappoq:

- Nunap nakorsaaneratut atorfinitsitsiniarneq ingerlanneqarpoq.

Nunap nakorsaanera naalakkersuisoqarfimmi pisortaq Tine Pars assigalugu, Peqqissutsimut Naalakkersuisumut Agathe Fontainimut toqqaannartumik atassuteqarpoq.

Nakorsaanerup suliassai
Nunap nakorsaanerata suliassaasa uku ilagaat:

  • Peqqinnissamut tunngatillugu iliuuserisat amigaateqarnerat pillugu paasititsiniaaneq, pitsanngorsaataasinnaasunillu siunnersuusiorneq
  • Peqqissutsimut tunngatillugu immikkut ittunik pisoqartillugu tamanut nalunaaruteqarneq
  • Peqqinnissakkut sullissisunut ilitsersuusiorneq
  • Peqqinnissakkut sullissisunik suliffeqarfinnillu nakkutilliineq
  • Peqqinnissakkut sullinneqarneq pillugu Napparsimasut Maalaarutaannik Aalajangiisartut aalajangiivigisassaannik piareersaaneq (Maalaaruteqarsinnaaneq pillugu ilitsersuut takuuk)
  • Peqqissaasut Kalaallit Nunaanni sulisinnaatitaanerannut uppernarsaasiorneq
  • Eqqartuussinernut atatillugu misissuisarnermut-, inuttut atugarisat peqqissutsillu ataqatigiinnerannut-, avatangiisinut eqqiluisaarnissamullu tunngasut Nunatsinni Nakorsaanerup suliassaqarfiinut ilaapput
  • Nunatsinni Nakorsaaneqarfiup suliassai allat tassaapput naatsorsueq-qissaarnermi kisitsisit tunngavigalugit innuttaasut peqqissusaannik nakkutilliineq, nappaatit tuniluuttut pillugit nalunaaruteqarneq Nunatsinnilu Nakor-saaneqarfiup suliai pillugit ukiumoortumik nassuiaasiorneq.
  • Innuttaasunut peqqissuunissamik pitsaaliuinermillu suliniuteqarnermut atatillugu nalinginnaasumik aaqqissuussinerni Nunatsinni Nakorsaaneq peqataasarportaaq.
Powered by Labrador CMS