niueqatigiinneq
Nunatta Japanimik niueqateqarnini nukittorsarusuppaa
Naalakkersuisut Siulittaasuata Aleqa Hammondip danskit nunanut allanut ministeriat Martin Lidegaard peqatigalugu japanimiut nunanut allanut ministeriat ataatsimeeqatigaa
Kalaallit Nunaata Japanimi niuernermik Japanimi suliaqarnissani sulissutigaa decembarimi pisussami. Japanip naalakkersuisuinik oqaloqateqarneq Danmarkimi ingerlanneqartareerpoq. Maannakkullu Japanip niuernikkut naalakkersuisua Tadahiko Ito Nuummut tikeraarpoq.
Tikeraarnerani Naalakkesuisut siulittaasuat Aleqa Hammond Siumumeersoq ataatsimeeqatigineqarpoq. Aamma avatangiisinut naalakkersuisoq Kim Kielsen aamma aatsitassarsiornermut naalakkersuisoq Jens-Erik Kirkegaaard ataatsimeeqatigineqarput
- Pingaartuuvoq japaniumiut kalaallillu tungaannit ataatsimoorussamik kissaateqartoqarnera tassalu Japanimit pitsaasumik suleqatigiinnerup itisilerneqarnissaa annertusarneqarnissaalu. Taamaattumik ullumikkut isumaqatigiissutigaarput, Naalakkersuisut aamma Japanimi naalakkersuisut decembarimi Nunatta Japanimi nittarsaassinerani naapeqatigeeqqissasut suleqatigiissinnaanikkut periarfissat malitseqartinniarlugit, Naalakkersuisut siulittaasutat Aleqa Hammond oqarpoq.
Oqartussaaffinnimi pingaaruteqartorpassuarni Japani aamma Kalaallit Nunaat suleqatigiipput.
Ataatsimeeqatigiinnerni oqartussaaffiit nutaat ilaannik oqaloqatigiissuteqartoqarpoq, Nunatta Japanillu annertuumik ataatsimoorlutik qanoq iliuuseqarnerunissaat eqqartorneqarluni, pingaartumik attaveqarnermut aningaasaliissuteqarsinnaanerup aamma ataatsitassarsiornerup ineriartortinneqarnerata iluani, kisianni aamma ilisimatusarnikkut, ilinniartitaanikkut aamma kulturikkut paarlaasseqatigiittarnermi.