Air Greenland
Nunatta Islandillu akornanni timmisartuussinerit amerlanerusut
Kangerlussuarmit Keflavikimut ukiassariartulernerani toqqaannartumik Air Greenlandimik angalanissaq periarfissaassaaq
Tassani timmisartumik A330-mik Norsamik 278-inik ilaasoqarsinnaasumut siumut utimullu timmisartuussinerit tassani pineqarput, timmisartorneq pillugu atuagassiaq Check-In nittartakkamini taama allappoq.
Timmisartortitseqatigiiffiup umiarsuarnut takornariartaatinut ilaasussat Keflavikip Kangerlussuullu akornanni timmisartuuttussaaneranut, aqqummik nutaamik pilersitsitsinermut attuumassuteqarpoq, inissallu sinneruttut kalaallinut ilaasunut taakku tuniniarneqarput.
Timmisartoq A330 aggustip 7-anni, 14-anni aamma 21-anni kiisalu septembarip aappaanni Kangerlussuarmit ikkunneqartoq, Check-In ilisimatitsivoq. Timmisartoq nalunaaqutaq 13.40 Kangerlussuarmit aallartassaaq, nalunaaqutaq 17.25-lu Keflavikimi nalunaaqutaq malillugu tikittassalluni.
Utimut timmisartuussineq nalunaaqutaq 20.15 pisassaaq, nalunaaqutaq 20.05 Kangerlussuarmut tikittassalluni.