Nuummi nutarterineq
Nunatta isiginnaartitsisarfiani siulersuisuni siulittaasoq: Nuutoqaq ineriartortinneqarli
Nunatta isiginnaartitsisarfiani siulersuisuni siulittaasup Juaaka Lyberthip Nuutoqqami silami isiginnaartitsisarfeqalernissaa kissaatigaa
Nuutoqaq qanoq iliuuseqarfigineqassanersoq inunnit amerlasuunit malinnaaffigineqarpoq.
Inatsisartut siulittaasuata Lars-Emil Johansenip Inatsisartut ataatsimiittarfeqalernissaat pillugu siunnersuutaa inuppassuarnit Sermitsiaq.AG-mi akerlerineqarpoq.
Nunatta isiginnaartitsisarfiani siulersuisuni siulittaasoq, Juaaka Lyberth, oqallinnermut ilannguppoq siunnersuuteqarlunilu.
- Nuutoqqami nutarterinikkut pisoqqat uumassuseqarluartumik ullutsinnut ikaarunneqassapput, amerlasuunut iluaqutissanngorlugit. Taamaattumik uanga Nuutoqavimmi, maanna NAIP illuata eqqaani, illu isiginnaartitsisarfik aamma silami isiginnaartitsiviliortoqarnissaa tapersersorpara, Juaaka Lyberth oqarpoq.
- Takutinneqartartussat tassaasinnaapput kalaallit oqaluttuatoqaannit isiginnaagassiat, quiasaarusianik, qitinnik nipilersornernillu akullugit. Aamma ukiukkut juullilernerani illuigaasat atorlugit 'ukiup nunaa' imaluunniit 'ullukinnerup nunaqarfia' alutornartumik pilersinneqarsinnaassangaluarpoq. Taamaasiornikkut pisoqqat uumassuseqarluartumik ullutsinnut ikaarunneqassangaluarput, amerlasuunut iluaqutissanngorlugit, Juaaka Lyberthip Sermitsiaq.AG-mi bloggiliamini allappoq. Allataa tamaat uani atuarneqarsinnaavoq.
Nuutoqaq pillugu allaaserisat uani atuarneqarsinnaapput