pilersaarut
Nunatta eqqumiitsulianik katersugaasivissaata isikkussaa takuuk
Nunatsinni eqqumiitsulianik katersugaasivissaq nunarsuarmi tusaamasaasup Bjarke Ingelsip ilusilersungaa issittumi arsaattarfissap sanianiissaaq.
Qinngutsinnut ingerlaartilluni naapitassaassapput naluttarfik Malik tullerissallugu arsaattarfissaq kiisalu nunatsinni eqqumiitsulianik katersugaasivissaq.
Pilersaarusiarsuaq
Marlunngormat issittumi arsaattarfissaq nunattalu eqqumiitsuliornikkut katersugaasivissaa tusagassiuutinut katersortitsinermi takutinneqarput. Illoqarfimmut pilersaarusiaq aningaasanik 4.-5. milliardinik naleqassagatinneqarpoq. Illoqarfiup ilassaa suliarineqassaaq inissiallu katillugit 1600-ut sanaartorneqassallutik. Kiisalu illoqarfiup ilassaanut Siorarsiorfiup tungaanut sullorsualiortoqassalluni.
Atuaruk: Nunatta oqaluttuarisaanerani inissianut pilersaarut annerpaaq
Nunatta Eqqumiitsuliornikkut katersugaasivissaata aningaasalersorneqarnissaa suli inissinneqanngitsoq tusagassiuutinut katersortitsinermi erseqqissaatigineqarpoq, Borgmesterili neriulluarpoq.
Illussanik titartaasartup nunatta eqqumiitsuliornikkut katersugaasivissaata qanoq isikkoqassaneranik takorluugaa ataani takuuk.