Nunatta Avannaarsua UNESCO-p pilersaarutaanit peerneqarpoq

Naalakkersuisut aalajangerput nunatta Avannaarsua UNESCO-p nunarsuarmi uumassusilinnut pisussanut pilersaarutaannit peerneqassasoq, pilersaarutiniimmi immikkut piumasaqaatit amerligaluttuinnarsimapput.

Nunatta Avannaarsua, 972.000 kvadratkilomiiterisut nunaminertaqartoq, 1972-imi UNESCO-p nunarsuarmi uumassusilinnut pisussanut pilersaarutaanut ilaatinneqalerpoq, UNESCO-milu nunani allanngutsaaliukkani taamaasilluni annersaalluni.

Piumasaqaatilli ilagaat sumiiffimmi pineqartumi najugaqavissunik innuttaqassasoq, nunattali Avannaarsuani taamaattoqanngilaq.

Taamaammat UNESCO-p pilersaarutaanut ilaasariaqanngilagut, Naalakkersuisut isumaqarput.

Nuna suli allanngutsaaliugaassaaq

Nunatta Avannaarsua allanngutsaaliukkatut iinnassaaq, avatangiisinullu sunniutaasunik allannguineq kinguneqassanani.

- Sumiiffiup nunarsuarmi uummassusilinnut pisussanut pilersaarummi ilaajunnaarsinnissaanik aalajangiiniarneq ajornaatsuinnaanngilaq, kisianni Naalakkersuisut paasivaat nuna allanngutsaaliugaq pisussanut pilersaarummut naleqqutinngitsoq. Pinngortitami sumiiffiup asseqanngitsup allanngutsaaliorneqarnissaa aammalu piujuartitsiviusumik atorneqarnissaata qulakkeernissaa Naalakkersuisut pingaartippaat, taamaattumillu nunap allanngutsaaliukkap eqqissisimatitaanera aalajangiusimaannarparput, Pinngortitamut, Avatangiisinut Ilisimatusarnermullu Naalakkersuisoq Erik Jensen tusagassiutinut nalunaaruteqartoqarnerani oqarpoq.

Nunat allarpassuit nunarsuarmi uumassusilinnut pisussanut pilersaarutinit peerneqassallutik aalajangersimapput, pilersaarutip najugaqavussut pinngortitami qanoq iliortarnissaannut piumasaqaateqarpallaarnera pissutigitillugu. Tamannalu ajornaatsuinnaasanngilaq sumiiffiit inoqanngikkaangata.

Powered by Labrador CMS