Nunatta arsaattarfissuassaanut alloriarneq siulleq

Kalaallit timersortartut timersornernut olympiademisut qaffasissulinnut peqataasut takorlooriaruk. Kalaallit arsaattartut nunaminni arsaattartunut tusaamasanut Tuluit Nunaanneersunut, Frankrigimeersunut, Spaniameersunut, Brasiliameersunut Argentinameersunullu unammisut takorlooriaruk.

Siumut sinerlugu Inatsisartunut ilaasortaq Anders Olsen Kalaallit Nunaannik nunat tamalaat akornanni timersornikkut nunap assinganut inissiinissamik takorluugaqarpoq, tamatumanili timersornikkut atortussat pisariaqartut sananeqarnissaat pisariaqassalluni, timersortartuvut ukioq kaajallallugu sungiusarnermikkut nunat tamalaat akornanni qaffasissusilimmut anngussinnaaqqullugit.

Tuusintilikkaanik isiginnaartoqarsinnaasoq
Anders Olsen Inatsisartut upernaakkut ataatsimiinnerani siunnersuuteqarpoq, Naalakkersuisut nunatta arsaattarfissuassaanik timersortarfittut qulisatut kiasssakkatullu tuusintinik isiginnaartoqarsinnaasutut sananissamik pilersaarusiamik suliaqassasut.

Suliniummik pilersaarusiornermi arsaattarfisssuassamik tamatuminnga sananissamut ingerlatsinissamullu tunngasut suliassartaat aningaasaqarnermullu tunngasortaat misissuiffigineqassapput, tamatumalu inernera kingusinnerpaamik 2016-imi ukiakkut ataatsimiinnermi Inatsisartunut saqqummiunneqassalluni.

Nuuk Ugeavisimi uani atuarneqarsinnaavoq:

Nuuk Ugeavis Uge 18 2015

Klik her for at læse