pitsanngoriartorpoq?
Nunatta aningaasaqarnera pitsaaneruleriartortoq kisitsisit takutippaat
Naatsorsueqqissaartarfiup kisitsisai naapertorlugit Kalaallit Nunaata aningaasaqarnera pitsanngoriartorpoq
Kalaallit Nunaanni aningaasaqarneq siuariarsimasoq Naatsorsueqqissaartarfiup kisitsisaasa takutippaat.
Kalaallit Nunaannut nassiussat aamma Nunatsinnit nassiussat amerleriariarsimapput. Aamma innuttaasut aningaasaqarnerat pitsaanerulerpoq.
Nunatsinnut nassiussat
2015-mi kvartalip aappaani kisitsisit nalunaarsorneqarput.
Nunatsinnut nassiussat kvartalimut siullermut assersuutigissagaanni, nassiunneqartut marloriangajaatingajammik amerleriarsimapput.
Piffissap assingani avammut nassiunneqartut procentinik tallimanik amerleriaateqarput.
Ukiaanerani aasaaneranilu kisitsisit assigiinneq ajorput. Taamaammat qaffariaateqartoqarpoq.
Pisiniarfiit
Aamma allatigut siuariaateqartoqarpoq. Tassami innuttaasut pisiniarfinni pisinerulaarsimapput.
2010-mut sanilliullugu 2015-mi kvartalip aappaani procentinik arfineq marlunnik annertuseriarpoq.
Taamaakkaluartoq Nunatta karsiata aningaasaqarnera annikilleriarpoq. Kvartalimit siullermit 1,375 milliardinit kvartalip aappaani 1,27 milliardiulerpoq.
Tamanna aningaaseriviit aningaasanik atukkiisarnerat annikilleriarsimaneranut pissuteqarpoq.