assit takukkit
Nunatta aligoq aappaluttunut laborantii siulliit aaku
Aatsitassalerinermik Ilinniarfiup Kalaallit Nunaanni laboratoriani ikiortit siulliit True North Gems peqatigalugu ilinniartippaat
Nunarput ullumikkut sulisinnaasunik nammineq pilersitsisinnaanermut qanilliallappoq.
Kalaallit Nunaanni aatsitassalerisut True North Gems (TNG) aqqutigalugu nunatsinni laboratoriani ikiortinnik siullerpaanik Sisimiuni Aatsitassalerinermut Ilinniarfimmi ilinniartitaqarput.
Sapaatip-akunnerini marlunni pikkorissartut
Aatsitassalerinermut Ilinniarfiup TNG-mik suleqateqarluni apriilip sisamaani 2016-imi holdi ataatsimik 12-nik pikkorissartunik inuttaqartunik, Nuummi sapaatip-akunnerini marlunni tunngaviusumik aatsitassalerinermi laoratoriami sulinermut tunngasumik pikkorissartitsisoqarpoq.
Pikkorissarneq laboratoriami sulinermi tunngaviusumik piginnaasanik, suleriaatsinik aamma isumannaallisaanermut tunngasunik paasisimasaqalersitsivoq.
Atuaruk: Nunarput aatsitassanik piiaafinngoqqippoq
Pikkorissartut Danmarkimi VBM Laboratoriet A/S-imeersumit ilinniartinneqarput.
Misiliinerit arlallit
Ilinniartut suliffimmi isumannaallisaanikkut pissutsit inatsisaat, inatsisitigut paasissutissat, nakkutiginninneq aamma akisussaaffiit pisussaaffiillu ilinniarpaat.
Pikkorissartut kolbit, igalaamernit, atortut aamma KTI-mi ilinniarfiup laboratoriaani soqutiginartunik misileraapput. Misiliinerit tamarmik iluatsitsiffiusut.
Pikkorissarneq imartooq
Sapaatip-akunnerini marlunni pikkorissarnerup sungiusarnerup, misileraanerup aamma ilinniarnerup laboratoriami sulinermut, isumannaallisaanermut inatsisinut aamma atortunik illersuutaasunik atuisinnaaneq inerneraa.
Pikkorissarneq aligornik aappaluttunik suliaqarnermi soorlu assersuutigalugu True North Gemsimi atorneqarsinnaavoq - kisianni aamma laboratoriani allani sulinermi atorneqarsinnaalluni.
Atuaruk: Pisortaq imminut illerpoq: Taamaattumik sullivimmi avatangiisitigut pisorpassuaqarsimavoq
Sisimiut pillugu allaaserisat tamaasa uani atuakkit