Børn og unge

Nunatsinnut tamarmut iliuusissatut pilersaarutit pisariaqarput

Meeqqat Kalaallit Nunaanniittut amerlavallaarujussuartut Naalagaaffiit Peqatigiit meeqqat pillugit isumaqatigiissutaat tunngavigalugu pisinnaatitaaffii naammassineqarneq ajorput. Meeqqat Illersuisuat isumaqarpoq, suliaqartut tamakkerlutik suleqatigiittussanngorlugit Naalakkersuisunit iliuusissatut pilersaarusiortariaqaraluartut

Alle instanser skal slutte op om en langsigtet national handlingsplan, så børne kanfå opfyldt de FN-rettigheder, Grønland har forpligtet sig til.

Tamatta nalunngilarput imaluunniit nalunngisatsinnit, ilaquttatsinnit, meeqqerivinnit, atuarfinnit aqqusinernilu isigisatsinnit, kisitsisinit tusagassiuutinilu oqaluttuanit tusarnikuuarput:

Kalaallit Nunaanni meeqqat amerlavallaarujussuartut atugarlupput. Ilaat kaapput, ilaat allat isumassorneqarnatik, ilaat allat atornerlugaasarput qanigivallaakkaminnillu atoqateqartarlutik. Amerlasuut atuarfimmi ingerlanerlupput ilinniakkamillu aallartitsissanatik.

AG allappoq.

Naammanginanngilluinnarpoq, meeqqat illersuisuat meeqqanut politikkimut inassutigisamini politikerinut uungaannaq isigaluni aaqqiiniartarneq taamaateqqullugu nassiussoqqammisamini oqarpoq.

Nuna tamakkerlugu ataqatigiissakkamik iliuusissatut pilersaarusiornissaq taassuma pisariaqarsoraa. Pilersaarummi meeqqat salliutinneqassapput, akulerutsinneqarlutik nunalu tamakkerlugu, kommunini partiinilu politikkit uniffiginagit suliarineqassalluni.

Meeqqanik suliallit tamarmik suleqatigiittariaqarput ataatsimoortumillu anguniagaqarlutik Inatsisartullu iliuusissatut pilersaarutinik ingerlaavartumik suliaqartassapput atortinnerilu qanoq iluatsissimatiginersut inersuarmi oqallisigisarlugu.

- Pisuuteqattaanneq atornagu nunap immikkoortuini politikkikkullu assigiinngissutsit pinagit ataatsimut akisussaaffeqarnikkut nunatsinni meeqqat pisinnaatitaaffii qulakkeerlugit ikiornissaannullu nukivut atussavavut, meeqqat illersuisuat Aviâja Egede Lynge meeqqanut politikkeqarnissamut innersuussutimini oqarpoq.

Allaaserisaq AG-mi sapaatip-akunnerani saqqummertumi tamakkerlugu atuaruk, taanna pisiniarfinni pisiassaalereerpoq. Aviisi uani aamma pisiarineqarsinnaavoq:

Powered by Labrador CMS