takutitseqqaarneq
Nunatsinnit fantasyfilmit siullersaat takuteqqaarneqalersoq
22-mik ukiullip Marc Fussing Rosbachip filmiliornissaminik takorluukkani piviusunngortippaa. Qaammatip tulliani Ilulissani aamma Nuummi takutinneqassaaq.
Marc Fussing Rosbach 22-nik ukiulik, ukiut pingasut sisamat ingerlanerini kalaallit oqaluttuatoqaat nutaalianik akoorlugit filmiliorniarluni takorluugaqarsimavoq.
Siorna ukiakkut takorluukkani piviusunngortikkiartulerpaa, maannalu kalaallit fantasi/eventyrfilmiliaat siulleq, Akornatsinniittut - Tarratta Nuaanni, saqqummiunniarlugu piareerpoq.
Angutip taassuma inuusuttup nammineq immiuppaa, katiterlugu, nipilersuusiorlugu, effektilersorlugu aamma tuluttut allagartalersorlugu filmiliani piareerpaa.
Ilaqutaasa tapersersorpaat, ilaatigullu filmiliornissamut aningaasaliissutinik pissarsinermi ikiorlugu.
Aamma atuaruk: Video: Isiginnaartitsisartunik pissarsiorneq
- Assilisat kusanaqqinnaat, Ilulissat avatagiisiullugu kusanernerpaaffiani. Filmertarfissuarmi takuneqarsinnaassapput Marcip alliartorfiani Ilulissani inuttat/isiginnaartitsisut alutornavissut. Ane Lena Fussing Rosbach filmimik ingerlatsisoq filmi taama oqaluttuaraa.
Filmimi angakkut ajunngitsut ajortullu unamminerannik oqaluttuarineqarpoq.
Marc Fussing Rosbachip maanna Nuummi biografertarfiup pisortaa Bill Bering aamma Ilulissani Biffenip ittua Uffe Bang takutitseqqaarnissamik isumaqatigiissuteqarfigai, tassa oktobarip 26-anni takuteqqaarneqassaaq.
Aammattaaq filmi Nuuk International Filmfestivalimi takutinneqassaaq, Nunani Avannarlerni filmiliortartut takutitsinnginneranni.
Uani ataani filmimit assit takusinnaavatit: