Kommunimut qinersineq 2017
Nunatsinni sila qinersiartorfissaqqittoq
Seqinnerlunilu nuiaqalaartoq - sumiinneq apeqqutaalluni - ullormi qinersivinnut ikioraasoqarnerani sila taamaappoq.
Annonse
Silasiortup Marie Kimmip sila qinersiffissatut tulluarluinnarnerarpaa. Perlunngilluinnartoq.
- Kitaata sineriaani seqinnilertassaaq, kisianni sumiiffiit ilaanni soorunami nuiaqartassaaq. Taamaattoq nittaassanngilaq, Marie Kimm Sermitsiaq.AG-mut ilisimatitsivoq.
Issilluni nittaallertarniartoq
Sumiiffimmi ataasiinnarmi sila uuminalaartussaavoq, tassa Ittoqqortoormiit nalaani issillunilu nittaallertarniarpoq, silasiortoq ilisimatitsivoq.
Tasiilami nuialluni nittaalaartassaaq, kisianni anoreqarpallaassanngilaq, aqaguli anoreqassangatinneqarpoq.
- Kommunimut qinersiartunnginnissamut sila pissutaasinnaanngilaq, Københavnimi DMI-meersoq oqarpoq, Kalaallit Nunaannilu qinersilluartoqarnissaanik kissaassivoq.