pilluaritsi

Nunatsinni qatserisartut 27-nik amerlanerulertut

Kalallit Nunaanni Qatserinermut atuarfik Qaasuitsup Kommuniani Aasiaat aamma Kommuneqarfik Sermersuumi Tasiilaq suleqatigalugu qallunaatut piginnaasaqalersitsisumik qatserisartutut ilinniartitsivoq

Toqqorsivimmit

Aasianni Tasiilamilu qatserisartunngorniat 27-t ”Funktionsuddannelse Indsats” taasaq, ilinnialugu naammasseqqammerpaat.

Kalaallit Nunaanni Qatserinermut atuarfik tusagassiuutinut nalunaarummi allappoq.

Naak assigiinngitsunik unammilligassaqaraluartoq, qatserisartunngorniat ilinniakkaminnik angusarissaarlutik naammassipput.

Qatserisartut sulinermi misilittagaqareersuupput.

Qatserisartunngorniallu atuagarsorlutik misilitsinnerminni misilittagaqarluartutut oqaatigiinnangassaanngillat, holdinimi marlunni agguaqatigiisillugu anguneqartartoq tamarmik qaangersimavaat.

Misilitsinnermi nalileeqataasut Beredskabsstyrelsens Censorkorp, Danmarkiminngaanneersoq qatserisartunngornianut kusanartumik oqaasertaliipput.

Aasianni peqataasut siornatigulli pikkorissaasarnerni misilittagaqareerput, pikkorissartunilu aqqanillit tamarmik angusipput.

Tasiilami siullerpaamik pikkorissaasoqarpoq, peqataasullu tamarmik 16-iusut tamarmik misilitsinnermi angusipput.

Powered by Labrador CMS