pilluaritsi
Nunatsinni procesteknikeri siulleq
Tallimanngormat inuussutissalerinermik ilinniarfimmi Inuili-mi pingaartorsiortoqarpoq. Ilinniarfimmi siullermeersumik procesteknikerimik, nerisassanik nakkutilliinermik immikkut ilisimasalimmik, naammassinnittoqarpoq. Taqqavaniiginnarnissanilu isumaliutigaa: Kujataa nuannareqaara
Silas Semionsen, Nanortallip pigisaani Aappilattormiu nuannaarpoq. Tallimanngormat cater- aamma kantineassistentitut allagartartaarpoq.
Silas oqaluttuarpoq Sisimiuni sanaartornermik ilinniarfimmi praktikkersimalluni sulilu atorfissarsiorsimanani.
Ulloq taanna Silas allagartartaarmat Nunatsinni procesteknikeri siulleq, nerisassanik nakkutilliinermik immikkut ilisimasalik, aamma allagartartaarpoq.
Taanna tassaavoq Ista Sandgreen-Eriksen, Sisimiuneersoq. Taassuma specialitut allassimavaa ´audit´, tassa pitsaassutsimik namminerlu nakkutilliineq, kiisalu assersuutigalugu suliffeqarfiit igaffiinik, kantiinanik imaluunniit pisiniarfinnik anginerusunik neqaarniarfittalinnik nerisassiorfittalinnillu nakkutilliineq.
Suliassaminut nersutit nakorsaannik ikiorteqarusunnera ilinniarfiup akuerisimavaa, specialimilu sananerani Qaqortumi nersutit nakorsaat Lajos Zoltan Mues suleqatigisimavaa, tamannalu pissanganarsimavoq, ilikkarnarluni unammillernarlunilu, taanna oqarpoq.
Ista oqaluttuarpoq asannileqqissimalluni. Angutimut allamuunngitsoq Kujataanulli, alianaageqalugulu kusanarteqigamiuk.
– Ilaquttakkalu maanga nuunnissara suliffissarsiornissaralu isumaliutigaara, taanna oqarpoq.