peqquserlunneq
Nunatsinni peqquserluttoqannginnissaa anguniarlugu annertunerusumik suliniartoqalersoq
Transparency International Greenland-imit Transparency International-imut tamakkiisumik akuerisaasutut immikkoortortaqarfinngornissamut inaarutaasumik piareersaatit ingerlanneqarput
Transparency International Greenland (TIG) qitiusumik Kattuffiup nunat immikkoortortaqarfiannut ataqatigiissaarisumit Peter Varga-mit decembarip sisamaanit qulingiluaat ilanngullugu tikeraarneqassaq.
- Transparency International-ip ataani immikkoortamik pilersitsineq piumasaqaatinik naammassiniagassanik nassataqartarpoq. Siullermik Immikkoortortatut Piorsartutut inissinneqartarput. Tassanngaannit peqatigiiffiup piffissap ingerlanerani takutinniartussaavaa, ilumut peqquserlulluni iluanaarniarnermik unissaataasumik suliaqarluni aammalu najukkami malunnaatilimmik tapersersorneqarluni. TIG tamakkuninnga naammassisaqarnikuuvoq, Peter Vargallu tikeraarnera TIG-p suliaanik iluarisimaarinninnermut ersiutaavoq. Peter Vargap alloriarnernik kingullernik ingerlariaqqinnissatsinnut ikiorsinnaavaatigut, TIG-p siulittaasua Anita Hoffer tusagassiutinut nalunaarummi oqarpoq.
Peter Vargap ilaatigut peqataaffigissavai TIGmi siulersuisut ataatsimiinnerat, Nuummi inunnik arlariinnik ataatsimeeqateqarneq aammalu Peqquserlulluni Iluanaarniarnermik Akiuiniarneq pillugu kaffillernissaq piareersaqataaffigissallugu – tassalu FN’ip nunarsuaq tamakkerlugu peqquserlulluni iluanaarniarnermik akiuiniarneq pillugu ulloritaa 9. december malunnartinniarlugu TIG-p Katuami kaffisortitsinissaa.
Peqquserlulluni iluanaarniarnermik akiuiniarneq pillugu Katuami decembarip qulingiluaani kaffillertoqassaaq. Qaasut ilaatigut periarfissaqassapput Peqquserlulluni Iluanaarniarneq pillugu Akiuinniarnermut Nalunaarummut atsiornissaminnut.