rystende

Nunatsinni nuna sajoqattaarpoq

Tasiilap eqqaani nuna ikinnerpaamik 129-riarluni 2014-mi sajussimavoq

Jordskælv
Tasiilap eqqaani nunap assiga. Sungaartumik allaqqasut 65.7953N aamma 37.1552W tupersimaffik nalunaarpaat ujarassiuut pingasut nunap sajoqattaarneranik malussarfiat. Toornerit aappalaartut tassaapput nunap sajoqattaarnerani sajunnerit qiterisaatANGG tassaavoq ip nunap sajunneranik Tasiilami uuttuutaa GEUS

Ujarassiuut ersarissumik oqaatigisinnaanngilaat Tasiilap eqqaani nunap sajoqattaarenera Islandimilu qaqqat innermi anitsisartut nunarsuami alaatsinaanneqaqisumik pisoqarfiunerat imminnut ataqatigiinnersut. Ujarassiuut Tasiilamiit 30 kilometerinik ungasitsigisumi qanittumi misissuitillutik arlaleriaqaluni nunap sajunnera malugsimavaat sajunnerillu sakkortunersaat richterip uuttuutaani 2,5-mut uuttorneqarpoq.

Atuaruk:

Nunatta Danmarkillu ujarassiornermi misissuisoqarfianit GEUS-imeersut qanittumi tunumi misissuipput tassanilu nunap sajoqattaarnera malugaat. Ujarassiooq Thomas Find Kokfelt suleqataalu Sam Weatherly aamma Matti Nellemann Petersen julip 22-ni misissuitillutik nunap sajoqattaarnera malugaat.

Tunu qaqqallu innermik anitsisartut
- Nalunaaquttap akunnerata aappaata affap ingerlanerani nunap sajunneri qulingiluat qulit tamarmillu sekundialunnik sivisussuseqarlutik. Minutsit qulit siulliit ingerlanneranni sajunnerit akuttoqatigiipajaartut pipput tamatumalu kingorna sajunnerit minutsinik qulinik 15-inillu akunneqartarput. Sajunneq kingulleq pivoq nalunaaquttap akunnerata affaa sajunneqanngereersoq. Sakkortunersaat richterip uuttuutaani 3-miinnguatsiarpoq kingorna qannguluppaluttarluni sajoqqittarlunilu, Thomas Find Kokfelt oqarpoq.

Aamma Tasiilamiit 190 kilometerisut ungasitsigisumi Umiivimmi nuna sajoqattaarsimavoq. GEUS ilisimatitsivoq nunap sajuttarnera qaqqat innermik anitsisartut pisoqarfiunerannik pissuteqarsinnaasoq aammali nunap iluani ujaqqat killingat pissutaasinnaasoq. Umiivimmi nunap sajuffia ujaqqat nikeriarfiata nalaaniippoq.

GEUSimi nunap sajuttarneranik ilisimasalik Trine Dahl-Jensen Islandimi Bárðarbungami qaqqap innermi anitsisartup anitseqqajaanera tunumilu nunap sajuttarnerisa imminnut ataqatigiinnerarnissaat mianersuuppaa.

- Ujarassiuut misissuiffiisa nalaani nunap sajoqattaarneranut pissutaasoq naluarput naak tamaani nuna akuttunngitsumik sajuttaraluartoq, Trine Dahl-Jensen oqarpoq.

Powered by Labrador CMS