Nunatsinni klassiskimik nipilersornermut tapiissut

Aningaasaateqarfiup Tips og Lottop suliniutit marluk tapersersorsorpai, taakku klassiskimik orkesterit nukittorsarlugit katillugu 238.875 koruuninik tapiiffigai.

Kitte Witting Kitte Witting Kitte Witting Kitte Witting Kitte Witting Kitte Witting

Tips og Lottomidlernes pulje C-mit suliniut ataaseq katillugu 128.875 koruuninik tuninieqarpoq, taassuma agiartartoqatigiit Nunatsinni suleqatigiinnerat nukittorsassavaa, kalaallit aamma europamiut agiartarnerannik saqqumititsissalluni. Tamatuma inernera Maniitsumi innuttaasut ukiaru tusarnaarfigissavaat.

- Agiarluni nipilersortarneq kalaallit erinarsoqatigiinni orkesterinilu nipilersortarnerannut tulluartorujussuuvoq, suliniummut uunga tunngatillugu kalaallit nipilersortarnerannik nutaanik aaqqissuisoqartassaaq. Tusarnaartitsinerni tusarnaariartunut ilisaritinneqartassapput, taakku orkesterit marluk ukiaanerani sulinngiffeqarnerup nalaani Maniitsumi tusarnaartitsineranni. Peqataasut aamma erinarsoqatigiinnik tusarnaartitseqateqarneq ilinniassavaat, tamatuma saniatigut Maniitsumi nipilersornermik ilinniarfimmi qarlortarnermik ilinniartut orkesterimi anginermi nipilersoqataanissaminnut periarfissaqassapput, agiartartoq aamma suliniummik ingerlatsisoq, Hanne Saandvig Immanuelsen Nuummeersoq oqarpoq.

Nuummi Maniitsumilu agiartartoqatigiit akornanni pitsaasumik suleqatigiinnermik pilersitsisoqareerpoq, tamannalu ineriartortinneqassaaq. Kingullermik Nuummi tusarnaariat taakku orkesterit marluk poorskimi nipilersoqatigiittut tusarnaarpaat, tassani Brugsenimi, Nuussup Atuarfiani aamma Katuami tusarnaartitseqattaarneqarpoq.

Maniitsumi innuttaasut ukiaru periarfissinneqassapput. Suliniut meeqqat atuarfiini ukiakkut atuanngiffeqarnerisa nalaani sapaatip-akunneralu kingorna pissaaq, tassa sapaatip-akunnerini 41-mi aamma 42-mi. Sapaatip-akunnerini suliniuteqarfiusuni peqataasunut Nuummeersunut Maniitsumeersunullu ilinniartitsisunit pulaartunit ilinniartitsisoqassaaq, illoqarfimmilu tusarnaartitsoqassalluni, Maniitsumilu erinarsoqatigiit Inuusuit Nipaat suleqatigineqarlutik tusarnaartitseqatigineqassapput.

Powered by Labrador CMS