Nunatsinni kinamiut norskinit amerlanerupput

Nunatsinni kinamiut najugallit ukiup ataatsip ingerlanerani marloriaatip missaani amerleriaateqarsimapput, taamaalillutik norskinit tyskiniillu amerlanerulerulerput.

Inuiaassuseq

Kunngeqarfiup avataaniit nunatsinnut nunasisimasut allattorsimaffiat:

Filippinerit: 238

Thailandimiut: 161

Islandimiut: 136

Sverigemiut: 82

Kinamiut: 65

Norgemiut: 59

Tyskit: 47

Tusarfik: Naatsorsueqqissaartarfik. 1. juli 2018-imi naatsorsuineq ingerlanneqarpoq.

Ulloq 1. juli 2018-imi kinamiut nunatsinni najugaqartut katillugit 65-iupput, ukiullu siulianut sanillersuunnerini marloriaatingajaapput, ukiormi kingulleq Naatsorsueqqissaartarfiup innuttaasunik naatsorsuinerani kineserit 35-it nunatsinni najugaqarsimapput.

Tallimaattut inissittut

Taamaalillutik kinamiut kunngeqarfiup avataaninngaanneersuni nunasisimasuni tallimaattut inissipput, taakku filippinerinit, thailandmiunit, islandimiunit svenskiniillu taamaallaat ikinnerullutik.

Norskit tyskillu arfernattut arfineq-aappaattulli inissisimapput.

Aalisakkeriviit ilaanni patajaatsumik sulisussaaleqineq peqqutigalugu kinamiut amerleriaateqarnerinut peqquteqarpoq. Royal Greenlandimi sineriammi aalisakkeriviutimini Kinaminngaanneersunik arlalinnik atorfinitsitsimavoq.

Kinamiut amerlassusaat 2011-miit 2016-imut 10-15 akornanni nikerartarsimapput.

Powered by Labrador CMS