Nunatsinni kigutit nakorsaanertaavat

Slagelsip kommuniani kigutileriveqarfiani kigutilerisuunertut atorfimmiinngaanniit Lone Mahnfeldt februarimi kigutilerisut qullersaattut Peqqissutsimut Pitsaaliuinermullu aqutsisoqarfimmi atorfinissaaq.

Namminersorlutik Oqartussat tusagassiuutinut nalunaarummi allapput.

Taassuma kigutilerisunut qullersaagallarsimasoq Lars Grøntved, Oline Hansen ukioq manna juunimi atorfimminit tunuarmalli taartaagallarsimasoq taarsissavaa.

- Lone Mahnfeldt nunatsinni kigutilerisutut sulinermik misilittagaqarluartuuvoq ilaatigullu Nanortalimmi Qaqortumilu kigutilerisutut kigutilerivimmilu pisortatut sulisimavoq ukiunilu arlalippassuarni Qaqortumi, Nanortalimmi Nuummilu sulisimalluni, Namminersorlutik Oqartussat nalunaaruteqarput.