Naatsorsueqqissaartarfik

Nunatsinni inuit amerlassusaat allannguuteqagaanngitsut

Naatsorsueqqissaartarfiup kisitsisaatasa nutaat takutippaat, 2017-imi Nunatsinni inuit amerlassussaat allannguuteqagaarsimanngitsut, 2017-imimi innuttaasut 17-inik amerliaateqarsimapput

Arkivfoto.

2018 januaarip aallaqqaataani inuit 55.877-it Kalaallit Nunaanni najugaqarput. 2017-ip ingerlanerani innuttaasut 17-inik amerleriarsimapput.

Naatsorsueqqissaartarfiup kisitsisaataasa nutaat takutippaa.

Aamma atuaruk: Nuummi innuttaasut amerleriarujussuartut

Nuummut nuuttartut suli amerlanerusut

Kommuneqarfik Sermersuumi, Qeqqata Kommuniani Kommune Qeqertalimmilu inuit 2017-imi amerleriaateqarsimapput. Pingaartumik Nuummi annertuvoq, tassani inuit 196-it nalunaarsorsimallutik. Tassa innutaasut 31,8 procentii 17.796-it massakkut illoqarfiit pingaarnersaanni najugaqarput.

Nunaqarfinnit nussornerit ingerlaannartut

Nunaqarfinni innuttaasut ataatsimut isigalugit ikiliartornerat ingerlaannarpoq. 225-immi nunaqarfimmiit nuussimapput. Nunaqarfiit ullumikkut 7.121.nik innuttaasoqarput 2017-imi 7.356-iusimallutik.

Avannaatali Kommuniani nunaqarfinnit nuuttarneq annertooq nammineq piumassutsimik aallaaveqanngilaq, 2017-imili aasakkut nunaqarfiit Illorsuit Nuugaatsiallu tassaarsuarmik eqqugaanerannik peqquteqarluni.

2017-imi innuttaasut ineriartornerinut kisitsit ima isikkoqarput:

  • Inuit amerlassusaat 1. januaari 2017: 55.860
  • Inunngortut (kisitsisaagallartut): 859
  • Toqusut amerlassusaat (kisitsisaagallartut): 499
  • Nunasisut amerlassusaat: 2.287
  • Nuuttut amerlassusaat: 2.736
  • Naqqiineq: -106
  • Inuit amerlassusaat 1. januaari 2018: 55.877

Aamma atuaruk: Innuttaasut ukiuni 20-ni aatsaat taama ikitsigisut

Powered by Labrador CMS