kiisami
Nunatsinni internetsi sukkanerpaaq uunga illoqarfimmut apuuppoq...
Nunarput tamakkerlugu pitsaanerusumik akikinnerusumillu interneteqalernissamik Tele-Postip anguniagaata piviusunngornissaa maannakkut qanilleqqippoq, tassa maannakkut Qaqortumi 4G-imut periarfissaqalerput
Tele-Postip Qaqortumi 4G saqqummiutissavaa ataasinngorpat juunip 30-ani, kiisalu tamanna tunngavigalugu 4G-imik tunngaveqartumik Mobilt Bredbånd Premiumimik atuisutut tuniniaaneq aallartinneqassaaq.
Maannamut teknologi taamaallaat Nuummi aamma Sisimiuni periarfissaasimavoq, kisianni Qaqortumi pisisartut maannakkut aammattaaq periarfissaqalerput nunatsinni internetsimut attavik sukkanerpaaq atulissallugu.
- Nuummi 4G aallartippaarput decembarimi 2013-imi, maannalu tamatuma kingorna qaammatit arfineq marlunngortut illoqarfiit pingajussaat ilanngutsinneqarpoq. Tamatuma kingunerissaanik innuttaasut affangajaat maannakkut nunami maani internetsimik sukkanerpaamik atuinissaminut periarfissaqalerput, tamannalu uagut tulluusimaarutigisariaqarparput, Jens Andersen Tele-Postimi nittarsaassinermut ataqatigiissaarisoq tusagassiutinut nalunaarummi nassuiaavoq.
20 GB data, 20 mbit/s download aamma 5 mbit/s upload pisiarineqarsinnaalissapput.