Hash
Nunatsinni hash sakkortooq navianartoq
Nunatsinni ikiaroornartoq hash siornatigumut sanilliullugu navianaatilinnik amerlanerusunik akoqalersimavoq. Taamaattumik hash ikiaroornartunut sakkortuunut naligitillugu isigineqartariaqalersoq immikkut ilisimasalik isumaqarpoq. Arlalinnik napparsimmavimmut unittoqartalereerpoq
Ikiaroornartoq hash, nunatsinni iluanaarutigineqarujussuarluni aqqusinermi tuniniarneqartartoq, Danmarkimeersuuvoq.
Tamaanilu ilisimatusartut isumatsassimapput.
Misissuinerimmi nutaat takutippaat ‘hash Danmarkimeersoq aatsaat taama sakkortutigilersima- soq, taamalu aamma navianarnerulersimasoq.
Ajoquteqalersitsinissamut aarlerinartoq
Sananeqaatip aanngajaarutaasartup THC-ip akuissusaata ukiut 20-t ingerlaneranni pingasoriaammik annertussuseqalersimanera Danmarkimi eqqartuussivinni kemiimut tunngasuni immikkoortortaqarfinni pingasuni misissueqqissaarnerit takutissimavaat.
- Hash taama qaffasitsigisumik pitsaassusilik ajoquteqalersitsinissamut kingunerluuteqartitsinissamut aarlerinaateqarnerusinnaavoq pingaartumillu inuusuttorpassuarnut qaammammut arlaleriarlutik ikiaroornartumik pujortartartunut ajornartorsiutaalluni. Jointimik ilaatigooriarluni pujortartarnerup ajoqutaannginnera innuttaaqatigiit ilaasa akornanni isumaqartoqartarsimavoq. Ilisimasalli nutaat tunngavigalugit hash aanngajaarniutitut navianarnerusut aarlerinaateqarnerusutulu isiginerulertariaqarparput, Aarhus Universitetimi Retsmedicinsk Afdelingip aqutsisua Christian Lindholst oqarpoq.
Atuaruk: Maniitsumi ikiaroornartumik atornerluineq pillugu ataatsimiititsisoqartoq
Tarnikkut napparsimalerneq
Taanna paasissutissiilluni oqarpoq, ‘hash tunisassiatut ukiut arlaqanngitsut ingerlaneranni allanngorujussuarsimasoq’. Taamalu pisoqaleriartuaarsimanera Danmarkimiinnaq takussaanani Europap sinnerani aamma takussaavoq.
- Sverigemi Hollandimilu misissuinerni haship pitsaassusaata assingusumik qaffariarsimanera allaaserineqarpoq, Christian Lindholst oqarpoq, ilaatigullu ikiaroornartoq tunngavigalugu tarnikkut napparsimalernissamut aarlerinaatit annertuseriarsinnaanerat tikkuarlugu.
Atuaruk: Meeqqat allaat 11-iinnarnik ukiullit hashitortarput
Allaaserisaq AG-mi uani sapaatip-akunnerani saqqummertumi atuaruk, ullumi pisiniarfinniilereerpoq. Uani ataani digitaliusoq iserfigisinnaavat: