assammik arsaanneq
Nunat tamalaat pissartanngorniunnerannut aqutsisunngortoq
Poul Petersen angutit assammik arsarmik Panamerikanskimik pissartanngorniunnissaannut Nuummi pisussami aqutsisunngorpoq
Kalaallit Nunaani timersornerup silarsuaani peqatigiiffilerinikkut Poul Petersen ilisimaneqarluartoq, Amerikap nunavittaani pissartanngorniunnernut suliniummut aqutsisuussaaq.'
Kalaallit Nunaanni Assammik Arsaattartut Kattuffiat tusagassiuutinut nalunaarummi taama ilisimatitsivoq.
Nunat tamalaat assammik arsaallutik pissartanngorniunnerat, aamma nunarsuaq tamakkerlugu pissartanngorniunnissamut anngunniunnerusoq, Nuummi aasamut pissaaq.
Tassani Inussivimmi aamma Nuummi Timersortarfimmi unamminerit 42-t pissapput.
- Poul Petersenimi periarfissaqarluarlerpugut nukissamik PANAM2018-mik piviusunngortitsinissatsinnut – isummat aammalu kissaaterpassuit naappinniartussaapput uani pilersaarutitsinni unammersuarnissami, taakkulu Poul-ip pingilluinnarpai, aqutsisuni siulittaasoq, Christian Keldsen, taama oqarpoq.
PANAM2018 tikeraartoqassaaq 250 missaanik Nuummut ameerikka kujallermiit, ameerikka qeterpasissuaniit aammalu ameerikkap avannaatungaaniit junip ulluisa 15 – niit 25-anut 2018 tungaanut.
Iligiit pingasut angusarissaarnerpaat assammik arsaalluni nunarsuarmi pissartanngorniunnermut anngutissapput.