piviusulersaarusiaq
Nunat inoqqaavisa filmiliaannik unammisitsinermi Sume pillugu piviusulersaarusiaq akissarsitinneqartoq
Piviusulersaarusiaq ’Sume - mumisitsinerup nipaa' ImagineNative Film and Media Arts Festivalimi Torontomi marlunnik akissarsitinneqarpoq
Piviusulersaarusiaq nalilerneqarluartoq ’Sume - mumisitsinerup nipaa' septembarimi takutinneqaqqaarneranit amerlasuunit soqutigineqarluartoq Canadami akissarsitinneqarpoq.
Nunat inoqqaavisa filmiliaannik unammisitsisartup ImagineNative Film and Media Arts Festivalimi Sume pillugu piviusulersaarusiaq marlunnik akissarsitinneqarpoq.
Piviusulersaarusiaq tuluttut 'Sume - the sound of a revolution’-imik taaguuteqartoq marlunnik akissarsitinneqarpoq, filmiliortunut tunniunneqartartoq ’The Jane Glassco Award’ kiisalu piginnaanilinnut tunniunneqartartoq ’The Cynthia Lickers-sage Award’ piviusulersaarusiamut suliarinnittut akissarsitinneqarput.
Piviusulersaarusiortut Inuk Silis Høegh aamma Emile Hertling Péronard Facebookimi quppernerminni akissarsisimanertik pillugu allapput.
Fimfestivali ImagineNative Torontomi 15-issaa ingerlanneqaqqammerpoq.