Nunat Avannarliit Siunnersuisoqatigiivi: Imaani avatangiisit oqaluuserineqartut

Nunat Avannarliit Siunnersuisoqatigiivi imaani avatangiisit pillugit sammisaqarlutik Islandimi ataatsimiipput

Fennica, Finland, isbryder

Sikup milliartornera imaanik illersuinissamut pisariaqartitsineq annertusiartortippaa. Ulluni marlunni Nunat Avannarliit Siunnersuisoqatigiviisa ataatsimiinnerisa tunualiaqutigaa.

Sikup milliartornera umiarsuit angalaffissaannik nutaanik ammaassissaaq. Kisianni aamma illersuinissamik pisariaqartitsinermik annertusititsissaaq, Nunat Avannarliit Siunnersuisoqatigiiffiata præsidentia, Michael Tetzschner, taama isumaqarpoq.

Umiarsuit angalaffii

Nunat avannarliit sineriallit tamarmik, aamma avannarlerneersut innuttaasorpasuinut imaq pingaartorujussuusoq oqaatigaa. Nunat Avannarliit imartaanni umiarsuit angallanneruleraluttuinnarneranni nunat tamalaat inatsisaannik ersarissunik peqarnissap pingaassusaa naqissuserpaa.

- Asiamut assersuutigalugu umiarsuit aqqutaat nutaat pilersinneqartussat takusinnaavarput. Nunat avannarliit siunissami aqqutinut niuerfinnut qaninnerulernissaannik tamanna malitseqartussaavoq, taamaattumillu ineriartortitsineq iluarsiivigineqarsimalluni pinissaat isumagissavarput. Tassunga atatillugu nunat sineriammiittut imaani pisuussutinik atuinerat naleqqussarneqarnissaa isumagisariaqarparput, aalisapilunneq pinngitsoortillugu, aammalu immap naqqanit aatsitassanik ikummatissanillu allanik atuineq nakkutigalugu, Michael Tetzschner oqarpoq.

Kalaallit politikerit ilaanngitsut

Uani ataatsimiittoqarnerani maanna kalaallit Inatsisartut peqataanngillat, Nunatsinni qinersisoqarnissaa pissutaalluni, KNR taama ilisimatitsivoq.

Powered by Labrador CMS