Vestnordisk Råd
Nunat Avannarliit Killiit Siunnersuisoqatigiiffiata pisortaa nutaaq
Nunat Avannarliit Killiit Siunnersuisoqatigiiffiata siulittaasoqarfiata, Sigurður Ólafsson, Inga Dora Markussen kingoraassagaa aalajangiipput
Inga Dora Markussenip ukiuni sisamani Nunat Avannarliit Killiit Siunnersuisoqatigiiffianni pisortaareerluni atorfimminit siorna tunuarpoq.
Taanna januaarip 31-ianni naggataamik sulissaaq.
Nunat Avannarliit Killiit Siunnersuisoqatigiiffiata paarlatsissaa nanisimallugu maanna tusagassiuutinut nalunaarummi ilisimatitsissutigaa.
Islandimioq Sigurður Ólafsson Nunat Avannarliit Killiit Siunnersuisoqatigiiffiata pisortartaarissavaa.
Pisortatut atorfik soqutigineqarluarpoq, pisortatut atorfimmut qinnuteqartut 27-iummata, tamanna tusagssiuutinut nalunaarummi ilisimatitsissutigineqarpoq.
Inga Dora Markussen uinilu meeqqatillu sisamat Nunatsinnut uterput, tassanilu Royal Greenlandimi ilinniarnermut pisortatut februaarip aallaqqaataani sulilissaaq.