assit takukkit
Nunarsuarmi sisoraatinik arpannermi sakkortunerpaaq aallartinneqartoq
Ullumi tallimanngornermi Arctic Circle Race 21-ssaannik aallartinneqarpoq
Tallimanngormat Sisimiuni issisiut minus 25-miittoq Arctic Circle Race allartinneqarpoq. 208-t nunani tamalaani 16-neersut peqataapput.
Sisorartartut 50-60 km isorartutigisumut arpareerunikku, pinngortitami tupersimaarlutik unnuissapput issisiulli -25 -30 akornanniittarluni.
Atuaruk: Arctic Circle Racemut peqataasussat allamiut marloriaammik amerlanerusut
Nammineerlutik nerisassiussapput, atisanik panersaallutik, atisanik poortuillutik aqaguanilu ingerlaqqinnissamut qasuersaassallutik. Ingerlaarnerup nalaani peqataasut qimussinit alakkarneqartassapput taakkulu kalaaliminernik peqataasunut nassataaqartassapput.
Sapaatip akunnerata naanerani unammilligassaqaqaat, sisoraatinik arpanneq sapaatiuppat naammassineqassaaq.
Arctic Circle Race aallartinneqarnerani assit ataani takukkit