kalaallit piinik pisigit
Nunarsuarmi qeqertat qaarsuusut annersaannut suli ujaqqanik assartuisarpugut
Nunatta sanaartornermi atortussarititaasa atorneqarneqartarnerat politikerit siuarsarniarpaat, entreprenørilli nioqqutissanik nunanit allaneersunik suli tikisitsisarput
Inatsisartut Sanaartornermut Ataatsimiititaliaata Naalakkersuisut suliniuteqaqqullugit naalakkerpai.
– Inatsisartut 2017-imi ukiakkut ataatsimiinneranni nunatta sanaartornermut atortussarititaasa atorneqartarnerisa immikkut inatsisiliuullugu siuarsarneqarsinnaaneranik misissuinermik Naalakkersuisut saqqummiussissapput.
Nammineq pisuussutit
Suliassaq naalakkiunneqarpoq Inatsisartuni oqallinnerup kingorna, tassani Inuit Ataqatigiinneersup Aqqaluaq B. Egedep Partii Naleqqameersullu Per Rosing-Petersenip entreprenørit sanaartornermi atortunik avataanit tikisitsisaratik, nunap nammineq pisuussutaanit sananeqarsimasunik atuisarnissamik kissaataat tapersermassuk.
Nalakkersuisooqatiginnermi isumaqatigiissut
Ineqarnermut, sanaartornermut attaveqarnermullu Naalakkersuisup Knud Kristiansenip suliassaq suliarerusuppaa, taannalu 2014-18-imut naalakkersuisooqatigiinnissamik isumaqatigiissummut ´Ataatsimoorneq - toqqissisimaneq - ineriartorneq´-mut naapertuuppoq.
Isumaqatigiissummi allassimavoq naalakkersuisooqatigiinnut pingaaruteqartorujussuusoq sanaartornermi atortunik eqqussuinerup annikillisrnissaa, taamaasilluni sanaartornermi atortunik, nunap nammineq tusassiarisinnaasaanik, atuineq annertusarniarlugu.
Sermitsiaq normu 20-mi entreprenør Karl Bejder Christensenip apersorneqarnera atuaruk, taanna illoqarfiup umiarsualivianut nutaamut ujaqqanik qallersuutinik pilersuisinnaasimagaluartoq. Aperineqanngisaannarsimavorli. Taarsiullugu sanaartornermi atortut avataanit tikisinneqartarput
Aviisi ataani linki atorlugu pisarisinnaavat