Nunarsuarmi kommunit annersaasa assinga

Sagamaps nunap ilusaanik assilisamik, Qaasuitsup Kommunia tamakkerlugu assitalimmik saqqummersitsivoq. Nunap assinga uuttortaatini pingasuni saqqummersinneqarpoq, tassa 1:125.000, 1:137.000 aamma 1:500.000.

Nunap assingisa avannaanit kujammut 1.545 kilometerisut takitigisoq assitaraat. Uuttortaatit toqqarneqartut naapertorlugit, taakku nivinngarniaraanni ini angisoorsuusariaqarpoq. Annerpaaq qummut 6 meterisut takissuseqarpoq, sanimullu 2,5 meteriulluni, aamma nunap assinga 1:500.000-iusoq qummut 3 meteriuvoq.

Nunap assinga pdf-filinngorlugu allaaserisap talerpianiittoq linki toorlugu takusinnaavat