Nunarsuaq qerisoq takoqqillugu
BBC-p pinngortitamik aallakaatitassiaa, Nunarsuaq qerisoq, unnugu aallakaateqqinneqassaaq
Aallakaateqqitat tamatigut nuannarineqarneq ajorput, BBC-lli nangeqattaartuliaa Nunarsuaq qerisoq (Den frosne jord) nangeqattaartuliat ilagaat qatsussassaanngitsut.
Nunarsuup pingajorarterutaa sinnerlugu sermimik qallerneqarsimavoq. Taamaakkaluartoq Sikuiuitsoq Avannarleq Kujallerlu, Qalasersuaq aamma Qalasersuaq Kujalleq amerlanerpaanut ima takornartaatigaat, nunarsuarmi allamiittuusinnaagaluarlutik.
Qalasersuarni sermeq nunarsuup imaata imerneqarsinnaasup 80 procentingajaraa, taakkunani orpippassuaqarpoq qerrussimasunik, sumiiffdeqarlunilu oqaluttualiatut isikkulinnik. Sikuiuitsumi Avannarlermi upernaakkut uumassusillit imaaginnavilittarput. Nannut angutivissat arnavissanik nuliassarsiulertarput, qipoqqaallu Ækvatorimit takkuttarput ammassassuarnik peqqunnillu piisaariartorlutik.
Aallakaatitassiaq 2011-mi takusimanngikkukku unnugu DR1-imi takusinnaavat.