atoqqaartitsineq

Nunarput qorsunnguallappoq

Erngup nukinganik innaallagissiorfik Ilulissat avannaani Paakitsumiittoq tallimanngornermi atoqqaarfissiorneqarpoq

Paakitsumi nukissiorfiup sullorsuata isaariaa

Paakitsumi innaallagissiorfik siorna oktoberimili nukimmik minguitsumik llulissanut pilersuivoq. Maannalu piffissanngorpoq nukissiorfiup pisortatigoortumik atoqqaarfissiornissaanut. Taamaasilluni erngup nukinganik innaallagissiorfiit Nunatsinni tallimaalerput.

Pisortatigoortumik atoqqaarfissiortitsineq tallimanngornermi nalunaaqutaq aqqanernut aallartippoq Naalakkersuisuniit, Kommuneqarfik Sermersuumiit aamma Nukissiorfinniit peqataaffigineqartumik.

Islandimiut suliffeqarfiutaat Ìstak 2010-mi aallartittumik sanaartornermik ingerlatsisuuvoq taannalu nukissiorfiit ungasianiit aquttakkat siullersaraat.

Paakitsumi innaallagissiorfiup atoqqaartinneqarneratigut Nunatsinni nukimmik pilersuinerup 70 procentia minguitsumik nukissiummik tunngaveqalerpoq.

Powered by Labrador CMS