Nunarput pillugu ataatsimiititaliaq Aleqa Hammondertaqarani tikeraalertoq

Folketingip Kalaallit Nunaannut tunngasunut ataatsimiititaliaa Nunatsinnukassaaq, ataatsimiititaliaq Nuummukannginnermini Kujataani illoqarfiit nunaqarfiillu arlaqartut tikeraassavaat.

Kisianni tassani ataatsimiititaliamut siulittaasup tullia Aleqa Hammond ilaassanngilaq, taanna ippassaq marlunngornermi attaviitsunngorpoq.

Nunalerineq
Angalanermi ataatsimiititaliap Nunatsinni oqartussaqarfiit ataatsimeeqatigalugillu tikeraassavaat, Namminersorlutik Oqartussanit, kommuninit aamma nunaqarfinnit aallartitat.

- Kujataaniinnerminni ataatsimiititaliap ilaatigut savaateqarneq nunalereriaatsillu assigiinngitsut takullugillu tusagaqarfiginissaat soqutigaat, suliffeqarfiit pulaarlugit kiisalu Kalaallit Nunaata EU-mut puisip amiinik avammut niunneq paasisaqarfiginiarpaat, taakku ukiuni arlalinni atugaat ajornarsimapput, Folketingi allappoq.

Tikeraarnermut atatillugu Kalaallit Nunaannut tunngasunut ataatsimiititaliaq Narsami sapaatiuppat innuttaasunik ataatsimiititsissaaq.

Angalanermi uku peqataassapput:

• Aaja Chemnitz Larsen (IA)
• Peter Juel Jensen (V)
• Torsten Schack Pedersen (V)
• Carsten Bach (LA)
• Karin Gaardsted (S)
• Flemming Møller Mortensen (S)
• Troels Ravn (S)
• Christian Juhl (EL)
• Roger Matthisen (ALT)
• Karsten Hønge (SF)