pilluaritsi

Nunarput organistinik arfinilinnik pisuujunerulersoq

Inuit arfinillit ukiuni marlunni ilinniareerlutik maanna imminnut organistitut taasinnaalerput

Organistinngortut nutaat saamerlermiit: Jakob Thorsen, Paamiut, Tønnes Kreutzmann, Kangaamiut, Hansine Efraimsen, Alluitsup Paa, Peter L. Josefsen, Maniitsoq, Ludvig Knudsen, Kangersuatsiaq, Eliaser Petrussen, Nanortalik

Nunarput organistinik arfinilinnik pisuujunerulerpoq. Taama Biskopeqarfik nalunaaruteqarpoq.

Organistinngortut ukiut marluk ilinniarnerminnik ingerlatsisimapput.

Ilinniarnerullu siunertaasa ilagisimavaat organistit ilageeqarnermi nipilersornermik erinarsoqatigiinnernillu siulersuisinnaalernissaat. Taamaammat organistinngortut Biskopeqarfimmit isumalluarfigineqarput:

- Qularnanngistsumik organistinngortut najugaqarfimminnut uterunik ilagiinni sulinermi iluaqutaalluarumaarput, Biskopeqarfik taama allappoq.

Organistinngorniarluni ilinniarneq tulleq 2015-imi aallartinneqassaaq.

Organistinngortut nutaat tassaapput:

  • Jakob Thorsen, Paamiut
  • Tønnes Kreutzmann, Kangaamiut
  • Hansine Efraimsen, Alluitsup Paa
  • Peter L. Josefsen, Maniitsoq
  • Ludvig Knudsen, Kangersuatsiaq
  • Eliaser Petrussen, Nanortalik
Powered by Labrador CMS