takornariaqarneq

Nunarput nunarsuup sinneranut nittarsaakkusukkaat

Nunatsinneersut angallatsitsiviit, angalanernik– misigisassanillu neqerooruteqartut nittartakkami nutaami ataatsimut katersorniarneqarput. Nunatsinni takornarialerinerup siuarsaavigineqarnissaa neriuutigineqarpoq.

Tre af de fire partnere, der står bag hjemmesiden, ses her. Det er deres håb, at de kan booste turismen her i landet.

Suliffeqarfiup Guide to Greenlandip, nittartakkamik nutaamik pilersitseqqammerpout, tassani isumassarsiatsialannik arlariinnik takusassaqarlunilu pissaganartunik neqerooruterpassuaqarpoq, taakkuli takornarissanut pilerusaarutaassapput.

Tuluit oqaasii atorneqartut

Nittartakkami tuluit oqaasii atorneqarput – www.guidetogreenland.com – taannalu maajip qaammataa aallartilaarnerani atulersinneqarpot. Nittartakkamillu pilersitsisut tusagassiuutit aqqutigalugit tuniniaanertik annertusarnialerpaat.

Hans Jørgen Mørch, Martin Madsen, Niels Jacobsen aamma Mads Nordlund suliniuteqartuupput. It-systemimik ineriartortitsinngikkaluarlutik, atorneqareertumik pisisimapput, taamaattulli Islandimi atorneqarnera iluatsilluarsimavoq. Nittartakkami angalanerit 90-it neqeruutitut saqqummiunneqalereersimapput, ullulli tamaasa amerliartuinnarlutik, taakku tusagassiuutinut nalunaarumminni paasissutissiipput.

- Kikkukkulluunniit takornarissanut neqerooruteqartut, neqeroorutitik Guide to Greenlandimi akeqanngitsumik takusassiarisinnaavaat. Tunisaqarsimagaanni aatsaa akeqalertarpoq, Martin Madsen nassuiaavoq.

- Taamaasillutik inuit pisuttuarnermik kaffillernermilluunniit neqerooruteqartut, nittartagaliunngikkaluarlutik imaluunniit Facebookimi qupperniliunngikkaluarlutik aallartissinnaalerput. Guide to Greenlandi aaqqissuussinernik tuniniaanernillu ikiuuttarpoq.

Sulisut arfinillit

- Guide to Greenland Nuummi allaffeqarpoq arfinilinnillu sulisoqarallarluni. Neriuutigaarput Kalaallit Nunaanni takornarialerinerup iluani suliffinnik pilersitsisinnaassalluta, allaffitsinni kiisalu illoqarfinni nunaqarfinnilu allani, Hans Jørgen Mørch oqarpoq.

Powered by Labrador CMS