arsaanneq
Nunarput nunarsuarmioqatigiinnut akuulerusuttoq
Kalaallit Nunaanni Arsaattartut Kattuffiat europamiut kattuffissuanni UEFA-mut, kingornalu nunarsuarmi arsaattartut kattuffissuannut FIFA-mut ukioq 2020 nallertinnagu ilaasortanngornissamut qinnuteqalersaarpoq
Kalaallit Nunaanni Arsaattartut Kattuffiat, GBU, Dansk Boldspil Unionilu oqartussaasuuppata, nunarput europamiut nunarsuarmiullu arsaannermik kattuffissuini UEFA-mi FIFA-milu ilaasortanngussagaluarpoq. Ajornanngippallu sapinngisamik piaarnerpaamik.
Kattuffiit marluk taakku ataatsimoorlutik nunatsinni timersuutit pingaarnersaat, tassalu isikkamik arsaanneq ineriartortinnialerpaat, tamannalu nunatta aallaqqaammut europamiut kattuffissuannut UEFA-mut kingornalu nunarsuarmiut kattuffissuannut FIFA-mut ilaasortanngorneranik inerneqarniartussaavoq.
Atuaruk: Peqatigiillutik Nunarput Uefa-mut ilaasortanngortinniarpaat
Amerlanerusunik ilaasortaqalissasut
Tamanna isumasioqatigiinnermi ‘Kalaallit Nunaanni siunissami timersorneq’ Qallunaat Nunaannit, Islandimit Savalimmiunillu kiisalu nunatsinni timersornermut attuumassuteqartunit tamanit, tassa politikerinit, nammineq piumassusertik aallaavigalugu sulisunit, kattuffinnit timersortartunillu peqataasoqarluni Nuummi aggustip 17-ianit 19-ianut ingerlanneqartumi saqqummiun neqarpoq.
Isumasioqatigiinnermi GBU-p arsaannermi anguniakkatik saqqummiuppaat, tassanilu ilaatigut GBU ukioq 2025 tikitsinnagu 10.000-inik ilaasortaqalereersimassaaq.
Arsaattarfilli ivigaasanik qallikkat illoqarfi nni amerlanerusuni sananeqarsimassapput kiisalu nunaqarnni 50-ini multibani liortoqarluni, soorluttaaq dommerissat amerlanerit ilinniartinneqarlutillu nammi neq piumassutsiminnik sulisussanik amerlanernik pissarsisoqassasoq. Tamakkulu tamarmik nunarsuarmioqatigiit kattuffissuinut ilaasortanngornissamik siunertaqarput.
Sooruna nunarsuarmiut arsaannermut kattuffissuannut ilaasortaalernissaq GBU-mut taamak pingaartigisoq?
Island Gamesiinnaanngitsoq
– Nunarsuarmi unamminerit annertunerit tamaasa FIFA-p aaqqissuuttarpai, arsaannermullu attuumassuteqartut tamarmik FIFA-mut ilaasortaapput. UEFA europami arsaattartut kattuffissuaraat, taannalu uatsinnut qaninnerusutut ippoq, uagummi Islandimut, Qallunaat Nunannut nunanullu avannarlernut allanut, UEFAmut tamarmik ilaasortaasunut attaveqarpugut.
– Kattuffinnullu taakkununnga ilaalerutta, nunarsuarmi arsaattartunut akuulisaagut, taamaalil lutalu klubbinut unammisassatsinnik nassaarniartarunnaassalluta, soorluttaaq aamma Island Gamesimi, ukioq allartoralugu ingerlanneqartartumi peqataasarneq kisimi pisarunnaassasoq. Tamatumalu aamma aaqqissuussaanerusunut peqataalernissarput, nunatsinnilu sukkanerusumik arsaannermik iniartortitsisinnaalernissarput nassatarissavaa, GBU-p siulittaasua John Thorsen oqarpoq.
Allaaseerisaq tamaat Sermitsiami tallimanngormat saqqummertumi atuaruk. Aviisi uani aamma pisiarisinnaavat: