Meeqqat

Nunarput meeqqat pisinnaatitaaffii pillugit misilitsippoq

Kalaallit Nunaat, Savalimmiut Danmarkilu meeqqat pisinnaatitaaffii pillugit Naalagaaffiit Peqatigiit ataatsimiititaliaannut misilitsinnissamut qaaqquneqarsimapput.

- Meeqqat illersorneqarnerat isumassorneqarnerat peqataasut qulakkeernissaat akisussaaffigiumavaat, taakku meeqqap angajoqqaavinut pisussaaffinnik akisussaaffinnillu meeqqat atugarissaarnissaannut pisariaqarput.

Kalaallit Nunaata tamanna aamma Naalagaaffiit Peqatigiit meeqqat pillugit isumaqatigiissutaanni immikkoortortat 53-t sinneri naammassiniarlugit 1993-imi atsioqatigiissutigaa.

Atuaruk: MIO Naalagaaffiit Peqatigiinnut: Meeqqat imminiiginnarneqarput

MIO nammineq nalunaarusiortoq
15. september 2017 Kalaallit Nunaat, Savalimmiut Danmarkilu meeqqat pisinnaatitaaffii pillugit Naalagaaffiit Peqatigiit ataatsimiititaliaannut Genévemi meeqqat pisinnaatitaaffiisa qulakkeerneqarneri pillugit misilitsinnissamut qaaqquneqarsimapput.

Namminersorlutik Oqartussat saniatigut meeqqat illersuisuat, Aviâja Egede Lynge, misilitsinermut peqataavoq.

Taanna siorna novebarimi nammineerluni MIO-p nalunaarusiaa ataatsimiititaliamut nassiuppaa, Namminersorlutik Oqartussat nalunaarusiaminni danskit naalagaaffiata FN-imut nassiussaani pissutsit kusassarpallaarsimagaat isumaqarami.

Aamma atuaruk: MIO Naalagaaffiit Peqatigiinnut: Meeqqat imminiiginnarneqarput

- Namminersorlutik Oqartussat nalunaarusiaanni allaaserineqartut Nunatsinni unammilligassatsinnut naapertuutinnginneri MIO-mit tupaallaatigaagut. Sumiginnaaneq, imigassamik atornerluineq, ikiaroornartoq ilinniarnissamullu periarfissat killillit eqqartorneqanngillat, Aviâja Egede Lynge allappoq.

Atuaruk: MIO meeqqat atugaannik piviusunik FN-imut takutitsiniarpoq

Misilitsinneq nuannaarutigigaa
Sapaatip-akunnerisa marluk matuma siorna misilitsinnermi meeqqat pisinnaatitaaffii pillugit ataatsimiititaliap, meeqqat akornanni piitsuussuseq, meeqqat tapersersorneqarnissaannut inatsit nutaaq, meeqqat innarluutillit pisinnaatitaaffii, meeqqat kinguaassiutitigut kannguttaatsuliorfigineqarnikut kiisalu meeqqat aanngajaarniutinik atornerluisartut pillugit aperisoqarpoq.

Isumaginninnermut ilaqutariinnermullu naalakkersuisoq, Sara Olsvig (IA), apeqqutit taakku naammagisimaarlugit oqarpoq.

Atuaruk: Meeqqat puigukkat

- Naalagaaffiit Peqatigiitinni misilitsinnerit tassaapput uagut naalakkersuisutut pitsaanerusumik inuit pisinnaatitaaffiinik malinninnissamik eqquutsitsinissamillu qulakkeerinninnerit. Nuannaarutigaara meeqqat pillugit suliavut meeqqallu pisinnaatitaaffii pillugit ukioq manna misilitsittoqarmat. Kalaallit Nunaata misilitsereernerata kingorna oqaaseqaatit innersuussutillu Kalaallit Nunaannut tunniunneqartut Naalakkersuisuni eqqummaariffigissavavut, taamatuttaaq Naalakkersuisut qulakkiissavarput innersuussutaasunut iliuuseqarnissaq

Powered by Labrador CMS