Nunarput akileraarutitigut isertitassanik annaasaqarnissani pinaveersaartinniarlugu nunat tamalaaneersut suleqatigilerpai
Nunarput Global Forumimut ilaasortanngorpoq, tassani akileraarutinik akiliinngitsoortarnerit pinaveersaartinniarneqartarput
Nunarput akileraarutitigut nunatta karsianut isertitassat annaasaqarnissani pinaveersaartinniarlugu nunat 145-t suleqatigilerpai.
Tamanna Nunarput Global Forumimut, OECD ataani suleqatigiiffiusumut ilaasortaalernerani pivoq.
Paasissutissanik avitseqatigiinneq
Kalaallit Nunaat suliamut tunngatillugu tunniusimalluni suliaqareernermigut akileraartarnermi paasissutissanik ammasumik pissuseqarluni paarlaasseqatigiittarnerit pillugit suleqatigiffimmut Global Forum-imut 8. februar 2017-imi pisortatigoortumik ilaasortanngornissamut qaaqquneqarpoq. Kalaallit Nunaat Global Forum-imi 29. august 2017-imi pisortatigoortumik tikilluaqqusaallunilu ilaasortanngortinneqarpoq.
- Global Forum-imi ilaasortanngoratta nuannaaqaanga, taamaasiornikkut nunat allat 145-t peqatigalugit akileraarutitigut isertittagassatta pissarsiarisarnissaat killeqarfiillu akimorlugit akileraarutinik akiliinngitsoortarnerit pinngitsoortinniarsinnaalissagatsigik, Aningaasaqarnermut Akileraartarnermut Naalakkersuisoq, Aqqaluaq B. Egede (IA) tusagassiuutinut nalunaarummi allappoq.
Ilaasortanngornermi Kalaallit Nunaat OECD-ip akileraarutitigut paasissutissanik ingerlaavartumik paarlaasseqatigiittalernissamut piumasaqaataasa piffissap sivikitsup ingerlanerani atuutilersinnissaannut atulernissaanullu pisussaaffeqalerpoq.