Aasiaat
Nunaqarfinnut assartuutip immap naqqa attorpaa
Nunaqarfinnut assartuut Anguteq Ittuk ingerlaarnerminik unitsitsigallartpoq immap naqqa attoreerlugu
Royal Arctic Linep umiarsua Anguteq Ittuk ataasinngornermi Aasiaat kujataanni angalatilluni immap naqqa itsinermippaa. Qujanartumilli uuliamik maqisoqarsimanngitsoq, Royal Arctic Line nalunaarpoq.
Anguteq Ittuk ataasinngornermi Aasiannut utiinnarpoq immap naqqanut itsinermereerluni missoqqissaarneqassalluni. Aasianni qatserisartut umiarsuaq kaajallallugu uuliamut assiaqutsersuipput taakkulu unnuaq tamaat uninngapput.
- Marlunngornermi ullaakkut paasinarsivoq umiarsuarmiit uuliamik maqisoqarsimanngitsoq, Royal Arctic Line nalunaarpoq.
Anguteq Ittumik marlunngornermi misissorneqaqqittussaavoq tamatumalu kingorna isummerfigineqarumaarpoq usinik assartuineq allanngortinneqassanersoq.