ajunaarnersuaq

Nunaqarfimmiut qimagussorneqartunut kalaaliminernik nassartitsipput

Kim Kielsen aamma naalakkersuisoq Erik Jensen Avannaani ajunaarnersuaq pillugu paasissutissiillutik Uummannap eqqaani nunaqarfinnut angalaarput. Nunaqarfimmiut iluatsillugu kalaaliminernik Uummannamut qimagussorneqarsimasunut pajugutigineqartussanik nassartinneqarput.

offentliggjorde i går de første billeder fra Nuugaatsiaq efter at en flodbølge huserede området i weekenden. Arktisk Kommando

- Naalakkersuisut siulittaasuat Kim Kielsen, Naalakkerusisoq Erik Jensen aamma assigiinngitsunik suliaqarlutik atorfillit ullut unnuallu marluk ingerlaneranni Uummannap eqqaani nunaqarfiit tulleriaarlugit tikeraaqqattaarpaat.

Naalakkersuisut tusagassiuutinut nalunaarummi taama allapput.

Ikerasanni innuttaasuniit kalaaliminernik Uummannamut qimagussorneqarsimasunut pajugutigineqartussanik nassartinneqarput.

Ajunaarnersuaq pillugu paasissutissiisut
Nunaqarfinnut angalanermi siunertaq tassaavoq Nuugaatsiap eqqaani qaarsup sisoorneratigut Nuugaatsiami tassaarsuaqarnerata kingunerisaanik Illorsuarni Niaqornanilu najugaqartut ilanngullugit qimarngussuunneqarnerannut tunngasunik paasissutissiisoqarnissaa. Ilanngullugu paasissutissiisutigineqarpoq qaarsortamik sisooqqittoqassagaluarpat innuttaasut suut sillimaffiginiartariaqarneraat.

Aamma atuaruk: Nuugaatsiamit assit siulliit takukkit

Marlunngornermi ualikkit angalqatigiit Saattunut tikipput. Tassani innuttaasut atuarfimmi paasissutissiiffigalugit nunaqarfiup atuarfiani ataatsimeeqqatigineqarput. Tassanissaaq innuttaasut attortisimanerat malunnarpoq.

Kalaaliminernik kissaateqarneq
Kim Kielsenip aamma Erik Jensenip marlunngornermi ullaakkut Uummannamiit nunaqarfinnut angalaarnissartik sioqqullugu nunaqarfinniit qumangunneqartut Uummannami timersortarfimmut ornippaat.

Aamma atuaruk: Islandi ulloq ataatsip affaatalu ingerlanerani millionit sisamarterutaat katersorpaat

Innuttaasut kissaatitut saqqummiuppaat kalaaliminernik sungiusimasaminnik nerisaqarsinnaatitaanissartik. Saattuni innuttaasut ikiuukkusussutsiminnik takutitsipput nunaqarfimminniit kalaaliminernik pajunnermikkut. Poorsuit pingasut kalaaliminernik imallit tikiunneqarput, taakkulu Uummannamut qimarngunneqarsimasunut tunniunneqartussaapput.

Innuttaasut naapinnissaanut piareersimasut
Marlunngornermi unnuttoq angalaqatigiit Saattunut tikipput. Tassanittaaq aamma nunaqarfiup atuarfiani paasissutissiilluni naapeqatigiittoqarpoq. Angalaqatigiit sakkutuut angallataata Ikerasaap tungaanut ingerlarnerani Vædderenimi unnuereerlutik angalaqatigiit pingasunngornermi ullaakkut Ikerasannut tikipput. Tassanissaaq aamma nunaqarfinni allani pisut assigalugit innuttaasut naapisimaarneqassapput.

Naalakkersuisut siulittaasuata Kim Kielsenip saniatigut Naalakkersuisoq Erik Jensen, Politikommissær Karl Jørgen Lennert, nunaqarfimmi peqqissaasoq Tina Hinrup Kristiansen aamma isumaginninnermut siunnersorti Gerda Fleischer nunaqarfinnut angalaqataapput.

Powered by Labrador CMS