Nunaqarfimmi atuartut skype atorlugu tuluttut ilinniartut

Canadami USA-milu ilinniartitsisut nammineq kajumissusertik atorlugu Qeqqata Kommuniani nunaqarfinni atuartunik skypekkut oqaloqateqartarput, taamaasiorlutik atuartut tuluttut pikkorinnerulernissaat anguniarlugu.

Sarfannguani atuartut aqqanillit, 4. klassimi atuartuusut, najugaq qimannagu, teknologiimili periarfissarpassuit nutaat atorlugit ilinniartitaaneq atulereersimagaat, Qeqqata Kommuniani ilinniartitaanermut pisortaq, Anna Heilmann, oqaluttuarpoq.

Suliniut atorneqartoq ”The Granny Cloud” (internetsimi aanaakkut, red.) Indiamit aqunneqarpoq.

Pitsanngoriaatit malunnaatillit

Nunaqarfinnit assigiinngitsuneersut atuartut The Cranny Cloud iluaqutigereerpaat, tuluttut oqaasilinnit tuluttut oqalunnissamut `pinngitsaalisaasaramik`. The Granny Cloud aamma iluaqutaanini takutereerpaa. Napasumimi alloriarfinnut misilitsinnerit 2018-imi Qeqqata Kommuniani qaffasinnerpaapput, kommuni tusagassiutinut nalunaarummini ilisimatitsivoq.

- Maani atuartut aamma iluaqutigiumaaraat neriuutigaarput, maannakkummi tuluttut oqalunnerusoqalerpoq, Sarfannguani atuarfiup pisortaa Anna Lise Kreutzmann oqarpoq.

Powered by Labrador CMS