naqqutilliineq amigartoq
Nunaqarfimmi aqutsisut: Qaasuitsup Kommuniata Iginniarfik nunaqarfiillu allat ilaginnarpai
Kommuni nunaqarfinni isumaginninnikkut suliassarpassuarnik ukiorpassuanngortuni pitsaasumik nakkutilliisimanngilaq, tamannalu innuttaasut ilarpassuisa ajornartoorfiusunik pisoqartillugu pisariaqartumik ikiorneqartarsimannginnerannik kinguneqarsimavoq. Taama Iginniarfimmi nunaqarfiup aqutsisuinut ilaasortaq isumaqarpoq
Kinguaassiuutitigut atornerluinermigut pinerluuteqartumik 40-nik ukiulimmik Kasper Brandtimik Iginniarfimmeersumik, ilaatigut nunaqarfinnguami pinngitsaaliinerit amiilaarnartut pillugit siorna decembarimi piffissami killiligaanngitsumi Herstedvesterimi parnaarussassanngortitaasumik, suliaq tunngavigalugu nunaqarfiup aqutsisuisa Qaasuitsup Kommuniani isumaginninnikkut oqartussat sakkortuumik isornartorsiulerpaat.
Nunaqarfiup aqutsisui isumaqarput, Qaasuitsup Kommuniata Iginniarfimmi innuttaasut ilaginnaannarsimagai isumaginninnermi suliassanik arlalinnik, nunaqarfiup isumaginninnermilu oqartussat akornanni attaveqaatip pisariaqartup atuussimannginnerata tunngavigalugu puiguinnarneqarsimasunik, pitsaasumik nakkutilliinnginnermigut.
Otto Frederiksen, Inuit Ataqatigiit, Iginniarfimmi nunaqarfiup aqutsisuinut ilaasortaasoq, oqarpoq, Qaasuitsup Kommunia nunaqarfimmi oqartussanut pitsaasumik attaveqanngitsoq, soorluttaaq isumaginninnermi oqartussat nunaqarfiit akuttunngitsumik tikittanngikkaat pissutsinik misissuiartorlutik imaluunniit pinaveersaartitsinissamik suliniutinik sunik najukkami oqartussat aallartitsisimanerat misissoriartorlugu.
Allaaserineqartoq tamaat Tamanut Avannaanimi atuarneqarsinnaavoq. Qaasuitsup Kommuniani pisartut pillugit aviisimi atuartoqarsinnaavoq. Tamanut Avannaani akeqanngitsumik ataani aaneqarsinnaavoq: