Arsuk

Nunaqarfimmi ajunaartoqarnera aliasuutigineqartoq

Ejnar Jakobsenip pingasunngornermi toqunerata kingorna, Arsummiut aliasuutigaat

Aana Arsuk, nunaqarfik Paamiuniit 134 kilometerit missaani isorartutigisumiippoq

Ejnar Jakobsenip ATV-eertilluni aqussinnaajunnaarluni ajunaarsimarpasippoq.

Paamiuni Politiit ajutoorneq misissuiffigaat, ajutoornermullu tunngasumik oqaaseqarumanatik.

Ejnar Jakobsen nunaqarfimmiuuvoq nuannarineqarluartoq, politikkimillu sammissaqartarnini ilisimaneqaatigaa, taanna Inuit Ataqatigiinni ilaasortaasimavoq.

Kommuneqarfik Sermersuumi nunaqarfimmiut aqutsisuini kommunalbestyrelsimut sinniisussaasimavoq. Tamatuma saniatigut piniartut aalisartullu kattuffiani KNAPK-p siulersuisuini ilaasortaasimalluni.

Arsummi najugaqartut 70-it missaat, alianaqisumik pisoqarnera attorneqaatigaat.

Powered by Labrador CMS