attaveqaatit
Nunaqarfiit marluk attaveqaqqilerput
Nunaqarfinni Isortumi Tiniteqilaamilu sapaapit akunnerani attaveqarsimanngillat.
Ullaaq manna Tele-Postip sulisuisa ajoqusersimanerit oqarasuaatinut, internetsimut, raatiu isiginnaarutillu attaveqaataat iluarsineqarput.
Ajornartorsiut Niaqernaartimmi sakkortusaavimmiissimavoq. Sakkortusaavimmi silap sermernarsimanera pissutigalugu
atortorissaarutit sermimik apummillu qallerneqarsimapput, tassa seqernup qinngorneranik tigooraassutit innaallagissaliornermut atortuusut qallerneqarnermikkut innaallagissamik pilersuisinnaajunnaarsimapput, tamannalu sakkortusaaviup innaallagiaarunneranik kinguneqarsimavoq. Taassuma saniatigut seqernup qinngorneranut tigooraassutit immikkoortut
marluk anorimit tingitaasimasut, Tele-Post tusagassiuutinut taama nalunaaruteqarpoq.
Ullaaq manna Tele-Postimi sulisut kiisami sakkortusaavimmut angalasinnaasimapput ajoqusernerit suliarissallugit.