nalunaarusiaq

Nunaqarfiit 18-it inueruteriaannaapput

Aningaasaqarnermut siunnersuisooqatigiit nalunaarusiaani allassimavoq nunaqarfiit suujunnaariartortut. Kalaallit Nunaata assinga allanngorluinnarsinnaavoq

Bygd, Upernavik-området
Upernaviup eqqaani nunaqarfik

Ukiuni qulikkaani sisamani kingullerni Kalaallit Nunaanni nunaqarfiit 23-it piniartoqarfiillu inuerussimapput.

Ullumikkut sumiiffinni taakkunani illuutit eqqaassutissaannanngorsimapput naak kinguaariit ataatsit matuma siornagut inunnut 1.000-ngajannut avatangiisaagaluarlutik.

Moriusami Maarmorilimmiinnaq inuerussimasut marluk ilaanni inuit 200-nit sinneqartut najugaqarsimapput.

Ukiunilu kingullerni inuerukkiartorneq unitsinniarneqarsimanngilaq akerlianilli sukkatseriaannaalluni.

Qajannassutsimut killerititaq
Aningaasaqarnermut siunnersuisooqatigiit ukiumoortumik nalunaarusiaani sapaatit akunnerani kingullerni Nuummi saqqummersinneqartumi nunami najugaqarfigineqartut 74-iusut 20 procentingajaasa inissisimanerat isumalluarnanngilaq.

Aningaasaqarnermik ilisimatuut qajannassutsimut uuttuutinik taaneqartartunik tallimanik pilersitsisimapput. Najugaqarfiillu 18-it uuttuummi tassani 4-mik 5-imilluunniit inissisimasutut nalilerneqarput.

Imaapporlu 200-t inorlugit inoqarlutik, toqusartut inunngortartunit amerlanerullutik, nuuttartut (ingammik inuusuttut) amerliartorlutik, arnat 18-it 45-llu akornanni ukiullit 15 procent ataassimallugu, najugaqartullu 10 procentii sinnerlugit 65-it sinnerlugit ukioqarlutik.

Allaaserisaq tamaat AG-mi uani sapaatip akunnerani saqqummertumi atuaruk, uani pisiarisinnaavat:

Powered by Labrador CMS