inissiat
Nunap immikkoortuini ineqarnermut akiitsut imaapput
Nuna tamakkerlugu Inimi attartortut attortuusimasullu 111 millioner koruuningajannik akiitsoqartut, inissianik piginnittut, Namminersorlutik Oqartussat kommuunillu, piginnituttutut 90 millioner koruuningajannik 2014-imi pissarsisimasut, kisitsisit Inimeersut takutippaat
Inissianik attartortinneqartartunik aqutsiviup Inip kisitsisaatai naapertorlugit, Namminersorlutik Oqartussat kommuunillu inissiaataannik Inip aqutaanik attartortut attortuusimasullu 111 millioner koruuningajannik 2014-ip naanerani akiitsoqarput.
Kisianni aamma kisitsisit allat takutippaat inissianik piginnittut, tassa Namminersorlutik Oqartussat kommuunillu, inissianik pigisalittut 2014-imi 90 millioner koruuningajannik pissarsisimasut.
Nunatsinni Inimi attartortut attortuusimasullu akiitsui 2014-ip naanerani:
- Kujalleq: 34.969.149,18 koruunit
- Qeqqata: 23.358.100,99 koruunit
- Qaasuitsoq: 26.867.105,14 koruunit
- Sermersooq: 25.804.258,83 koruunit
- Nuna tamakkerlugu 2014-ip naanerani akiitsut: 110.998.614,14 koruunit
Maanna attartortut 2014-imi akiitsui:
- Kujalleq: 7.396.268,86 koruunit
- Qeqqata: 4.767.101,33 koruunit
- Qaasuitsoq 7.035.472,85 koruunit
- Sermersooq 6.486.880,70 koruunit
- Maanna attartortut 2014-ip naanerani akiitsui tamakkiisut: 25.685.723,74 koruunit
Inissiat qimannerini aningaasartuutit akiitsorilerneqarsimasut:
- Kujalleq: 27.572.880,32 koruunit
- Qeqqata: 18.590.999,66 koruunit
- Qaasuitsoq: 19.831.632,29 koruunit
- Sermersooq: 19.317.378,13 koruunit
- Inissiat qimannerini aningaasartuutit akiitsorilerneqarsimasut: 85.312.890,40 koruunit
Inissiat piginnittullu nalunaarsorsimaneri:
- Namminersorlutik Oqartussat: 6.229-nik inissiaateqarput
- Kommune Kujalleq: 892-inik inissiaateqarpoq
- Qeqqata Kommunia: 866-inik inissiaateqarpoq
- Qaasuitsup Kommunia: 1.247-nik inissiaateqarpoq
- Peqqik – Peqqinnissaqarfik: 90-inik inissiaateqarpoq
- Illuut A/S: 421-nik inissiaateqarpoq
- Inissiat Inip aqutai pisortanit pigineqartut katillugit: 9.745-pput
Kiassarnermut akit qaffakkiartorsimanerat akiligassat amerlanerulernerannut patsisaasoq Inimit ilisimatitsissutigineqarpoq.
- Kiassarnermut akigitinneqartut malunnaatilimmik ukiuni kingulliusuni qaffariarput. Kiassarnermut akiligassat ineqarnermut akiligassat pingajorarterutigisarpaat. Kiassarnermut ineqarnermut tapiissuteqartarnermut ilaatinneqarsinnaanngilaq, taamaattumik ajornartorsiut tassaniinnerusoq Inimit takusinnaavarput, Inissiaatileqatigiiffik Inimi attaveqaqatigiinnermut pisortaq Else Løvstrøm Sermitsiaq.AG-mut pingasunngornermi ullaap tungaani
oqarpoq.
Ineqarnermut allaaserisat allat uani atuakkit
Allaaserisami kisitsisit pineqartut assip ataani takukkit