Itillersuaq
Nunap ikuallannerata assinga
Tasiusap Aappilattullu akornanni nunap ikuallannera annertungaatsiartuusoq qaammataasatigut assikkut takuneqarsinnaavoq
Kujataani Iterlassuarmi nuna annertooq ikuallappoq sapaatip akunnerata siuliani.
Maannakkulli ikuallattoqarunnaareerpoq.
Tamanna kujataani upalungaarsimanermut pisortaata Peter-Erik Thomsenip Sermitsiaq.AG-mut oqaatigaa.
- Nammineerluni ikuallakkunnaarpoq, kisianni suli ikuallattoqarneranit pujoqarpoq, oqarpoq.
Qaammataasakkut assit
Ikuallaffiusoq qanoq innersoq Peter Erik Thomsen pingasunngorpat ilisimatinneqassaaq.
Allaaserisamut assitaritinneqartumut Sermitsiaq.AG assimik nassiussiffigineqarpoq. USA-p qaammataasaata assilisaraa aggustip 15-ani. Karl Brix Zinglersenip ikuallaffiusoq qalipaammik ilisarnaaserpaa.
Ajoqqusertoqanngilaq
Ikiuallattoqafimmi inunnik uumasunilluunniit ajoqqusertoqarsimanngitsoq upalungaarsimasunit nalunaarutigineqarpoq.
- Ikuallattoq inoqarfimmit kilometerinik qulinik ungasitsigaaq, Peter Erik Thomsen oqarpoq.