taasititsineq
Nunap aqqa piukkunneqarnerpaaq nassaarineqartoq
Kalaallit Nunaata siunissami atissaa pillugu atuartartut oqallinnermut pilerillutik peqataapput, hunnorujulikkaallu taasinermut peqataapput
Nunarput, Nunavik, Sermilik.
Sermitsiaq.AG-p nunap siunissami atissaa pillugu oqallinneq ippassaq aallarnermagu, siunnersuutit amerlasuut saqqummiunneqarput. Kisianni atuartartut aalajangernerat ersarippoq:
Kalaallit Nunaat attatiinnarneqarli.
Nittartakkakkut marlunngornermi taasititsinermi atuartartut 700 sinneqartut peqataasut affaat sinneqartut ateq ilisimalluagaq Kalaallit Nunaat Inuit Nunaannut taarsiullugu toqqarpaat. Kingulleq taaneqartoq ilaatigut Siumumeersumit Nikolaj Jeremiassenimit, upernaakkut ataatsimiinnermi apeqquteqaat aallaavigalugu oqallisissiatut siunnersuutigineqarnikuuvoq.
Atuaruk: Anaanarput Kalaallit Nunaat qanoq ateqassava?
Nunap atia pilugu apeqqut nalunaarusiami 'Kalaallit Nunaanni inatsisinut tunngaviusussanut isumalioqatigiissitamik pilersitsinissamut nalunaarusiaq' saqqummerpoq, taanna Inatsisartut suliareqqammerpaat.
- Nunap aqqa nunap aaqqissuussaaneranut aqunneqarneranullu maleruagassani tunngaviusuni aalajangersarneqassaaq tunngavilerneqarlunilu, nalunaarusiami tamanna allaqqavoq.